Ebikorwa 23:12 - Indagano Inyaaya mu-Chijita

¹² Bhwejire bhwacha katondo, Abhayawudi abhandi nibharomera Pawuro iniku. Nibheeyima ebhiryo kwa echirayiro ati, bhatakuja kurya noorwo okunywa bhachaari okwita Pawuro.

INDAGANO INYA:YA

¹² Wejire bwaca, Abayaudi nibaragana, nibe:raira niba:ika ati, citakurya amwi kunywa tari cikamara okwita Paulo.

Ebikorwa 23:12 ပူးပေါင်းရင်းမြစ်များ

Matayo 26:4

Omwo, nibhaayikana kutyo bhaariga nibheenda okugwata Yeesu bhurigerige, korereki bhamwite.

Matayo 26:74

Peetero ˆnaamba okwiyendera omwene amabhiibhi na okurayira ati, “Nitakumenya omuunu oyo!” Awoawo, rikookorome nirikookoroma.

Matayo 27:25

Abhaanu bhoone nibhamusubhya ati, “Echikayo cha okwitwa kwa Yeesu chibhe kw‑iswe na ku‑bhaana bheeswe!”

Ebikorwa 23:13

Abhaanu bhanu ꞉bhaaromere iniku eyo, bhaariga nibhaambuka makumi gana.

Ebikorwa 23:14

Mbe, nibhagenda ku‑bhakuru bha abhagabhisi na ku‑bhakuru bha Abhayawudi, nibhabhabhwira ati, “Cheeyima ebhiryo bhoone kwa echirayiro ati, chitakurya noorwo okunywa chichaari okwita Pawuro.

Ebikorwa 23:21

Nawe waasiga okubheekirisisya, kwa okubha abhaanu bhanu abhaambuka makumi gana abhamwiteganira. Bharayiiye ati bhatakurya noorwo okunywa bhachaari okumwita. Woori bhatengeejere, abharindirira ubheekirisisye risabhwa ryebhwe.”

Ebikorwa 23:30

Mbe, nejire naabhwirwa ati bhamuromeeye iniku, nikwo okukora naamutuma kw‑awe awoawo. Naabhwira abhasoko bhaaye wone bhaaje korereki bhaayike echiina cheebhwe cha okumusitaaka kw‑awe.”

Ebikorwa 25:3

Nibhamwirembeeresya ati abhasakire, abhasubhisye Pawuro Yerusareemu awo, omwanya ogwo bhari na iniku ya okwita Pawuro mu‑njira.

Ebikorwa 9:23

Mbe, jejire jaatura siku nyafu, Abhayawudi nibharomera Saawuri iniku.

Ebikorwa 9:24

Nawe Saawuri ˆnaabhwirwa inguru ya iniku eyo. Abhayawudi bhaariga nibhamwiteganira mu‑ngeta na mu‑mwisi, ku‑marango ga omusi ogwo, korereki akawuruka‑mo bhamwite.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!