Ebikorwa 22:3 - Indagano Inyaaya mu-Chijita

³ “Anye niri Muyawudi. ꞉Neebhuriiywe mu‑musi gwa Taariso mu‑mukoowa gwa Kiriikiya, nawe ꞉naarereeywe Yerusareemu anuanu. Anye naariga niri mwiyigisibhwa wa Gamaryeri. Omwene ꞉aanyiyigisiisye okugwata ebhiraagiro bhinu ꞉chaasigiiywe na bhasaaja weeswe. Naariga niri na obhwikomeeresya muno ku‑Nyamuwanga, rwa kutyo emwe wone muri na obhwikomeeresya obhwo reero.

INDAGANO INYA:YA

³ Na:ika ati, Anye ndi Muyaudi, unu ne:buriywe Tariso ya Kirikia, nindererwa mu musi gunu ku maguru ga Gamalieli, niniigisibwa butamire mu biragiro bya basaja, ne:kome:syaga muno ku Nyamuanga, rwa kutyo emwe bo:ne muri rero kutya.

Ebikorwa 22:3 ပူးပေါင်းရင်းမြစ်များ

Ruuka 10:39

Maarita oyo, aariga ari na omuyara oweejaabho, ˆnaatogwaga Maryamu. Maryamu oyo, ˆneenyanja ayeeyi na amaguru ga Yeesu, korereki abhega ˆnaategeresya Yeesu.

Ruuka 2:46

Orusuku rwa kasatu, nibhamusongʼana mw‑Iyekaru, eenyanjire agatigati ya abheeyigisya bha ebhiraagiro bhya Nyamuwanga, ˆnaabhategeresyaga na okubhabhuusirisya amabhuusyo.

Ruuka 8:35

Abhaanu nibhagenda okwirorera abheene emisango jinu ꞉jaakorekeene, nibhakinga ku‑Yeesu. Abhaanu abho bhejire bhaamukinga‑ko, nibhoobhaya muno okurora omuunu unu aariga awungirwe amasambwa maafu eenyanjire, afwaye emyenda na obhwenge bhwaye bhwone bhumuri‑mo.

Ebikorwa 11:25

Omwanya okutura, Bharinaabha ˆnaagenda mu‑musi gwa Taariso okuronda Saawuri eyo.

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Ebikorwa 15:41

Nibhaja mu‑mikoowa ja Siiriya na Kiriikiya, nibhakomeesyaga abheekirisya.

Ebikorwa 21:20

Yakobho na abhakaruka bha rikanisa bhejire bhoongwa ejo, nibhakuuya Nyamuwanga. Niwo nibhabhwira Pawuro ati, “Omuyiri weeswe waarora ebhiwumbi na ebhiwumbi bhya Abhayawudi bhanu bheekirisiisye Yeesu na bhoone abharuubhirisya muno ebhiraagiro bhya Muusa.

Ebikorwa 21:39

Pawuro ˆnaamusubhya ati, “Wuri, anye niri Muyawudi, omwibhurwa wa mu‑musi gwa Taariso, mu‑mukoowa gwa Kiriikiya. Omusi ogwo gumenyekeene muno. Enikwirembeeresya unyikirisisye naayike na abhaanu bhanu.”

Ebikorwa 23:34

Omusiibha oyo, ˆnaasoma inyarubha irya, ˆnaabhabhuusya ati, ni omuunu wa omukoowa ki. Abheene nibhamusubhya ati, kaasooka mu‑mukoowa gwa Kiriikiya.

Ebikorwa 23:6

Mbe, Pawuro ˆnaasombookerwa ati mu‑bhaanu abho bhaariga bhari‑mo Abhasadukaayo aamwi na Abhafarisaayo. ˆNaamura obhuraka bhwaye mw‑ibharaja, ˆnaayika ati, “Abhayiri bhaasu, anye niri Mufarisaayo, omwana wa Omufarisaayo. Enibhuurwa anu inguru ya obhwiyikanyo bhwani ati, Nyamuwanga arisuurura abhafuuwe.”

Ebikorwa 26:5

Abheene bhaammenyere kisi kwa emiguuga myafu. Bhaakeenda abhatura okusoosya obhubhambaasi ati anye naariga niri Omufarisaayo. Abhafarisaayo nibho abharuubha obhutinge okukira obhumwi bhwone bhwa idiini yeeswe.

Ebikorwa 26:9

“Chimari, anye omwene naaroraga mu‑mutima gwani ati yaariga iri bhusibhusi nikore emisango myafu, korereki okuyaajana na risiina rya Yeesu Omunajareeti.

Ebikorwa 5:34

Nawe, mw‑ibharaja rikuru awo, aariga ari‑wo Omufarisaayo umwi, risiina ryaye ˆnaatogwa Gamaryeri. Gamaryeri oyo aariga ari mwiyigisya wa ebhiraagiro, na aayaanwaga echibharo na abhaanu bhoone. ꞉Eemereeguuyu, ˆnaaragirira ati, jitumwa bhasirwe anja kwa omwanya mufuyi.

Ebikorwa 6:9

Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

Ebikorwa 9:1

Ku‑mwanya ogwo, Saawuri ꞉aagendereeye na ebhikangyo bhyaye, bhya okwita abheeyigisibhwa bha Raatabhugenyi Yeesu. ˆNaagenda ku‑mugabhisi omukuru,

Ebikorwa 9:11

Raatabhugenyi ˆnaamubhwira ati, “Woori nuugende na injira inu eyitogwa Ingororoke, uje okuyenja inju ya Yuuda, inu iri yeeyi na injira eyo. Bhuusirisya omwo omuunu unu asookere mu‑musi gwa Taariso, risiina ryaye kaatogwa Saawuri. Woori anu kaasabhwa Nyamuwanga,

Ebikorwa 9:30

Omwanya gunu abheekirisya abheejaabho ꞉bhaamenyere omusango ogwo, nibhamuyeregesya nibhamukingya mu‑musi gwa Kayisaariya, nibhamusiga agende mu‑musi gwa Taariso ewaabho.

Barumi 11:1

Woori enibhuusya ati, angu, Nyamuwanga aremere abhaanu bhaaye? Wuri, noorwo na akatyari! Anye omwene niri Muyisirayeeri, okusooka mu‑rwibhuro rwa Bhurayimu, na okusooka mu‑ruganda rwa Bhenjamiini.

2 Bakorinto 11:22

Araabha abheene ni Bhayebhuraniya, anye wone niri Muyebhuraniya. Araabha abheene ni Bhayisirayeeri, anye wone niri Muyisirayeeri. Araabha abheene ni bha mu‑ruganda rwa Bhurayimu, anye wone niri wa mu‑ruganda rwa Bhurayimu.

Bagalatia 1:14

꞉Naayigire abheejaasu bhaafu bha rikura ryani kwa okurwanirira idiini yeeswe ya Echiyawudi. ꞉Neekomeesiisye muno okugwata obhusimukwa bhwa bhasaaja weeswe.

Bagalatia 1:21

Mbe, niniiya ningenda mu‑mukoowa gwa Siiriya na gwa Kiriikiya.