Ebikorwa 22:14 - Indagano Inyaaya mu-Chijita

¹⁴ “ˆNaagenderera okumbwira ati, ‘Nyamuwanga wa bhasaaja weeswe akusorere, korereki umenye okwenda kwaye, urore Omurengeresi waaye na okuungwa obhuraka bhwaye omwene.

INDAGANO INYA:YA

¹⁴ Nambwira ati, Nyamuanga wa basaja akusorere umenye binu kenda, na ka umurore Omurenge:resi, no kungwa oburaka bunu obuso:ka mu kanwa kae.

Ebikorwa 22:14 ပူးပေါင်းရင်းမြစ်များ

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Ebikorwa 13:17

Nyamuwanga wa abhaanu bha Yisirayeeri niwe ꞉aawuuwe bhasaaja weeswe. Ku‑mwanya gunu bhaariga bheekaaye ebhugenyi mu‑chaaro cha Miisiri, ꞉aabhakorere okubha eyanga enene muno. Ejire eeya ˆnaabhatangasya, ˆnaabhasoosya Miisiri kwa amanaga gaaye maafu muno.

Ebikorwa 22:15

Okubha uribha omubhambaasi waaye, ku‑bhaanu bhoone, ku‑jinu ꞉waarorere na okuungwa.

Ebikorwa 22:18

Mu‑bhiroro ebhyo, ꞉naarorere Raatabhugenyi Yeesu ˆnaambwiraga ati, ‘Sooka Yerusareemu bhwangubhwangu! Okubha abhaanu bha mu‑musi munu bhatakuja okwikirisya obhubhambaasi bhunu owuja okusoosya inguru yaani.’

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.

Ebikorwa 26:16

Woori iimuka, wimereeguru! Okubha naakusoromokera korereki ubhe omukosi waani, usoosye obhubhambaasi ku‑jinu waarora reero na jirya nirikweresya.

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Ebikorwa 9:17

Mbe, Ananiiya ˆnaagenda, ˆneengira mu‑nju eyo. ˆNaamutuura‑ko amabhoko, ˆnaayika ati, “Saawuri waasu, Raatabhugenyi aantuma kw‑awe, korereki urore na wijusibhwe Mwoyo Mweru. Raatabhugenyi oyo niwe Yeesu, unu ꞉aakusoromokeeye ku‑njira omwanya gunu waajaga enu.”

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

1 Bakorinto 11:23

Ameeyigisyo ganu ꞉naaramiiye okusooka ku‑Raatabhugenyi Yeesu, nigo ganu ꞉naabhayaaye ati, ingeta inu ꞉aateeywe mu‑mabhoko ga abhasoko, ꞉aagegere omukaate,

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

1 Bakorinto 15:8

Ejire aamara ˆnaasoromokera abhaanu bhoone, ˆnaansoromokera anye wone, unu niri rwa omuunu unu eebhuuywe ari ndebhire.

1 Bakorinto 9:1

Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 1:12

Okubha ꞉nitaajiyaaywe na omuunu woonewoone, noorwo ꞉nitaajiyigisiibhwe na omuunu woonewoone. Nawe Yeesu Kirisito omwene niwe ꞉ajinsweruriiye.

Bagalatia 1:15

Nawe Nyamuwanga, ꞉aansorere nichaari kwibhurwa, ˆnambirikira ku‑bhwitiriranya bhwaye, ˆnaaramura

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

1 Petero 2:22

Omwene ꞉ataakorere echibhiibhi choonechoone, noorwo ꞉ataayikire orubheeyi rwonerwone.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.