Ebikorwa 22:1 - Indagano Inyaaya mu-Chijita

¹ Pawuro ˆnaayika ati, “Emwe bharaata na abhayiri bhaani bhoone, enibhasabhwa muntegeresye kisi omwanya gunu eniibhagira imbere yeemwe!”

INDAGANO INYA:YA

¹ Emwe bamura ba:su na barata, mutegeresye ebyani binu enenda okwibagira kwimwe woryanu.

Ebikorwa 22:1 ပူးပေါင်းရင်းမြစ်များ

Ruuka 12:11

“Bhaakabhasira mu‑nju ja ameekofyanyo geebhwe, imbere ya abhatungi na imbere ya abhakuru, mwasiga okuyaya inguru ya emisango jinu omuja okwayika mu‑kwibhagira.

Ruuka 21:14

“Mbe, mukararire mu‑myoyo jeemwe ati, mwasiga okuyaya ati muryayika ki mu‑kwibhagira.

Ebikorwa 13:26

“Abhayiri bhaasu, emwe abhaanu bha orwibhuro rwa Bhurayimu, na emwe abhaanu bhanu mutari Bhayawudi bhanu omuramya Nyamuwanga, emisango ja obhuchungusi bhunu jaaretwa kw‑iswe!

Ebikorwa 19:33

Abharebhe mu‑chise echo nibheetogera ati injogere yaariga iri inguru ya Arekijanda kwa okubha Abhayawudi, ꞉bhaamukuuriiye imbere ya abhaanu abho. Arekijanda aariga ari na omusango gwa okwayika. Niwo, ˆnaabhawungisya okubhoko ati bhajibhire, kwa okubha aariga ˆnaakena okureeta obhwibhagisi imbere yeebhwe.

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 23:6

Mbe, Pawuro ˆnaasombookerwa ati mu‑bhaanu abho bhaariga bhari‑mo Abhasadukaayo aamwi na Abhafarisaayo. ˆNaamura obhuraka bhwaye mw‑ibharaja, ˆnaayika ati, “Abhayiri bhaasu, anye niri Mufarisaayo, omwana wa Omufarisaayo. Enibhuurwa anu inguru ya obhwiyikanyo bhwani ati, Nyamuwanga arisuurura abhafuuwe.”

Ebikorwa 24:10

Niwo omusiibha Feeriki ˆnaawungisya Pawuro okubhoko korereki eebhagire. Pawuro ˆnaayika ati, “Omusiibha Feeriki, enimenya ati ubheeye omuramusi mw‑iyanga munu kwa emiguuga myafu, kurwa ejo, eniibhagira imbere yaawo kwa rikonderwa.

Ebikorwa 25:16

Nimbasubhya ati, ‘Eswe Abharuumi chitakuramura omuunu achaari okuyaanwa omwanya gwa okwibhagira imbere ya bhanu abhamusitaaka.’

Ebikorwa 25:8

Niwo Pawuro ˆnaamba okwibhagira ˆnaayikaga ati, “꞉Nitaakorere chiinu choonechoone cha okunyamura ebhiraagiro bhya Abhayawudi, ꞉nitaakayire inguru ya Riyekaru noorwo inguru ya Kayisaari.”

Ebikorwa 26:24

Omwanya gunu Pawuro aagendereraga okwibhagira, Feesito ˆnaayika kwa obhuraka obhunene ati, “Pawuro awe! Kasi uri musasi! Okusoma kwawo kwafu nikwo kukuyaaye orusaro!”

Ebikorwa 28:17

Ejire aamara awo siku esatu, ˆnaabhirikira abhakuru bha Abhayawudi bheenda‑wo. Bhejire bheekumanya, ˆnaabhabhwira ati, “Emwe abhayiri bhaani, ꞉naagwatirwe Yerusareemu, nintuurwa mu‑mabhoko ga Abharuumi, noorwo kutyo ꞉nitaakorere omusango gwonegwone omubhiibhi ku‑bhaanu bheeswe amwi okuyabhya obhusimukwa bhwa bhasaaja weeswe.

Ebikorwa 7:2

Tefwano ˆnaayika ati, “Bharaata na abhayiri bhaani, muntegeresye! Nyamuwanga owa rikusyo ꞉aasoromokeeye saaja weeswe Bhurayimu ari mu‑chaaro cha Mesopotaamiya. Omwanya gunu aariga achaari okwikara mu‑musi gwa Araani.

Barumi 2:15

Abheeresya kwa ebhikorwa bhyebhwe ati, jinu jeenderwe mu‑bhiraagiro, jikaamirwe mu‑myoyo jeebhwe. Noorwo emitima jeebhwe ejibheeresya eryo, na obhwiganirisya bhwebhwe omwanya ogundi obhubharamura, na omwanya ogundi obhubheeresya ati abhakora jinu jiiyire.

1 Bakorinto 9:3

Abhaanu bhanu abhabhuusirisya emirimu jaani ja obhutumwa, enibhabhwira ati,

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

2 Bakorinto 7:11

Ringira kutyo obhusurumbaaye obhwo Nyamuwanga ꞉aakarariiye, obhubhareterera omuriiro omunene! Bhwareterera obhwira bhunene bhwa okukora jinu jiiyire, bhwabhareterera okwibhagira ku‑jinu omukora. Ka wone bhwabhakora mubhiyirirwe ebhibhiibhi, bhwabhakora muramye Nyamuwanga, okwigomba okundora, na okwikomeesya okurora ati unu ꞉aakayire, aaramira ebhitiibha bhyaye. Ku‑njira ejo joone, mweresya ati mutari na echikayo ku‑misango ejo.

Bafilipi 1:17

Nawe bharya abha inyombo, abharaasya emisango ja Kirisito kwa orwiso, noorwo itari mu‑bhwira bhwa ekisi. Abho abheenda okwongesya ebhinyaasyo bhyani mw‑ibhoyero enu.

Bafilipi 1:7

Ni kisi anye niganirisye kutyo inguru yeemwe bhoone, kwa okubha enibheenda muno. Okubha anye na emwe, chiyaaywe obhwitiriranya bhwa okusangira emirimu aamwi, nibhe niri mw‑ibhoyero amwi nimbagira na okweresya echimari cha Emisango ja Ekisi kutyo jiri.

2 Timoteo 4:16

Nejire neebhagira mw‑iramuriro omwanya gwa okwamba, ꞉nitaabhwene omuunu noorwo umwi unu ꞉eemereeguuyu orubhaara rwani, nawe bhoone ꞉bhaansigire. Enisabhwa Nyamuwanga abhafwire echigongo ku‑chikorwa echo cha okumbirima.

1 Petero 3:15

Ka wone, siku joone, mubhe mwimaririiye okusubhya omuunu woonewoone unu aribhabhuusya chinu omwiyikanya. Nawe mukore kutyo, mu‑bhworooro na echibharo.