Ebikorwa 21:30 - Indagano Inyaaya mu-Chijita

³⁰ Mbe, abhaanu nibhaamba okukora injogere mbaara joone ja omusi gwa Yerusareemu. Okusooka mbaara joone abhaanu abho nibhabhirimira Pawuro mw‑Iyekaru, nibhamukurumukira, nibhakurura Pawuro nibhamuwurusya anja na jinjigi jaaryo nijiigarwa kwa amanaga.

INDAGANO INYA:YA

³⁰ Omusi gwone nigukangabara, aba:nu nibe:kofyanya nibagwata Paulo, nibamukurubesya anja ya iyekaru. Aonao jinjigi nji:garwa.

Ebikorwa 21:30 ပူးပေါင်းရင်းမြစ်များ

Matayo 2:3

Omukama Yeroode ejire oongwa emisango jeebhwe, ˆnaayaya muno. Noorwo abhaanu bhoone bha Yerusareemu, wone nibhayaya.

Matayo 21:10

Omwanya gunu Yeesu ꞉eengiiye Yerusareemu, abhaanu bhoone nibharuguura muno. Nibhaamba okubhuusyanya ati, “Niga oyo?”

Ruuka 4:29

Nibheemereeguru bhwangubhwangu enu bheejuuywega risungu. Nibhagenda nibhamusira anja ya omusi nibhamukuuraga, nibhamukingya ku‑bhwenenero bhwa echiima chinu omusi gwebhwe gwariga guumbakirwe‑ko, nibheendaga bhamujugune aasi eyo.

Ebikorwa 19:29

Omusi gwone gwa Yefeeso nigwijura injogere. Abhaanu nibhagwata Gaayo na Arisitaariko, abhaanu bha Makedooniya bhanu bhaariga nibharibhata aamwi na Pawuro, nibheengira nabho bhwangu mu‑rubhuga rwa obhwenywa.

Ebikorwa 26:21

Ejo nijo ꞉jaakorere Abhayawudi nibhangwata omwanya gunu ꞉bhaansongʼeene mw‑Iyekaru, nibharegeeja okunyita.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.