Ebikorwa 20:9 - Indagano Inyaaya mu-Chijita

⁹ Mw‑idirisya rya echisago echo aariga eenyanjire‑mo omusigaji umwi, risiina ryaye Ewutiko. Pawuro ꞉aagendereeye okuraasya kwa omwanya omureera, niwo Ewutiko, ˆnaamba okuwuunirira. Omwanya gunu aariga awongeeye, ˆnaayarambuka okusooka kw‑igorofwa rya kasatu, ˆneebhuma aasi! Abhaanu nibhagenda okumwimusya, nibhasongʼana aafuuwe.

INDAGANO INYA:YA

⁹ Ariga ario omumura risi:na ryae Eutuko, eyanjire mu ndorero, naba na tiro nyafu. Mbe Paulo wejire arandirisya okusimura muno, mbe Eutuko ji:tiro nijimwita, nagwa okuso:ka ku gorofwa ya kasatu, nibamwimusya afu:ye.

Ebikorwa 20:9 ပူးပေါင်းရင်းမြစ်များ

Mariko 13:36

Mutengeeje, korereki noorwo akaaja kwa okutakya, aasiga okubhasanga muwongeeye.

Mariko 9:26

Niwo risambwa eryo nirimwaya muno, nirigwisya omwana oyo aasi, nirimureterera okugwa echitwe, nirimusooka‑mo. Omwana oyo ˆnaabha wuti afuuwe, abhaanu bhaafu arya nibhaayika ati, “Aafwa!”

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 20:10

Pawuro wone, ˆnooromoka emwaro eyo. ˆNeefumbika inguru ya Ewutiko, ˆnaamufumbeera. ˆNaabhwira abhaanu abho ati, “Musige okubha na obhuyayu! Omumura unu achaari‑mo omwoyo!”

Ebikorwa 20:7

Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

Ebikorwa 20:8

Anu chaariga chiikumanyisiisye, chaariga chiri mu‑chisago chinu chaariga chiri mu‑bhutingo. Omwo jaariga jiri‑mo jidara nyafu nijaakaga.