Ebikorwa 20:7 - Indagano Inyaaya mu-Chijita

⁷ Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

INDAGANO INYA:YA

⁷ Mbe ku rusiku rwo kwamba rwo bwoyo, wejire ce:kofyanya okubeganya omukate, Paulo nabasimurira, nendo:kumweja katondo, narandirisya emisango kukinga mu ngeta agati.

Ebikorwa 20:7 ပူးပေါင်းရင်းမြစ်များ

Mariko 16:9

Yeesu ejire aasuuruka mu‑ruguru orusuku rwa okwamba rwa obhwoyo, ˆnaasoromokera okwamba Maryamu okusooka mu‑musi gwa Magidara, unu aariga amusoosisye‑ko amasambwa gataanu na gabhiri.

Ruuka 22:19

Neeya ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaabhabhwira ati, [“Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

Ruuka 24:35

Niwo abheeyigisibhwa abhabhiri abho, nibhatondera abheejaabho emisango jinu jaakorekana ku‑bheene ku‑njira na kutyo ꞉bhaamenyere Yeesu omwanya gunu ꞉aabheganyiisye omukaate.

Yowana 20:1

Ku‑rusuku rwa okwamba rwa obhwoyo, Maryamu okusooka mu‑musi gwa Magidara ˆnaamweja katondo mu‑ruguru ku‑chituuro cha Yeesu. Ejire aakinga ˆnaasongʼana ribhuyi rinu ryariga rifundikiiye omuryango riyiringisiibhwe okusooka ku‑muryango gwa echituuro.

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 20:11

Katungu katooto okutura, Pawuro ˆnaariinya mu‑chisago cha mu‑nda echo, ˆnaagega omukaate ˆnaarya. ˆNaagenderera okwiyigisya muno okukingira anu bhwacheeye, ˆnaasooka‑wo.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 20:5

Abho ꞉bhaachitangatiiye mu‑musi gwa Turoowa na okuchirindirira eyo.

Ebikorwa 20:9

Mw‑idirisya rya echisago echo aariga eenyanjire‑mo omusigaji umwi, risiina ryaye Ewutiko. Pawuro ꞉aagendereeye okuraasya kwa omwanya omureera, niwo Ewutiko, ˆnaamba okuwuunirira. Omwanya gunu aariga awongeeye, ˆnaayarambuka okusooka kw‑igorofwa rya kasatu, ˆneebhuma aasi! Abhaanu nibhagenda okumwimusya, nibhasongʼana aafuuwe.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

1 Bakorinto 10:16

Omwanya gunu echisiima Nyamuwanga inguru ya omutawo gurya gwa amabhando ga ebhiryo bhya Raatabhugenyi, owubha chitakusangira aamwi isagama ya Yeesu Kirisito? Ka wone, omwanya gunu echibheganya omukaate, owubha chitakusangira aamwi omubhiri gwa Kirisito?

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 16:2

Ku‑bhuri rusuku rwa obhwoyo, bhuri muunu agati yeemwe abhiikega echibhiikwa okuruubhana na ribhona ryaye, korereki obhusoroosya bhwasiga okukorekana, omwanya gunu niribhaaja‑ko eyo.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Obhusweruro 1:10

Rusuku rumwi, ruri rusuku rwa Raatabhugenyi Yeesu, Mwoyo Mweru ˆneeka inguru yaani. Awoawo ninuungwa obhuraka obhunene inyuma yaani, obhuraka rwa bhwa ingʼombi.