Ebikorwa 20:6 - Indagano Inyaaya mu-Chijita

⁶ Omwanya gunu ichikukuru ya emikaate jinu jitakutuurwa‑mo echifwimbya ꞉yaayitingʼeene, nichisooka mu‑musi gwa Firiipi na ingarabha. Nichiribhata siku etaanu okukingira nichikinga mu‑musi gwa Turoowa, awo niwo ꞉chaabhugeene na abheejaasu abho. ꞉Chaabheeye awo siku etaanu na ebhiri.

INDAGANO INYA:YA

⁶ Jisiku je mikate jinu jitarimo cifwimbya jejire jawa, niciso:ka Filipi niciema amatanga nicimara siku ita:nu nicikinga Tiroa, nicimarayo siku ita:nu ne:biri.

Ebikorwa 20:6 ပူးပေါင်းရင်းမြစ်များ

Ebikorwa 12:3

Ejire aarora ati echikorwa echo chaakondera Abhayawudi, ˆnaaragirira Peetero wone agwatwe. Jinu joone ꞉jaakorekeene ku‑mwanya gwa ichikukuru ya emikaate jinu jitakutuurwa‑mo echifwimbya.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 16:12

Okusooka awo nichigenda Firiipi omusi omukuru gwa Makedooniya, anu bhaariga bheekaaye Abharuumi. Eswe wone, nichiikara mu‑musi ogwo kwa siku ndebhe.

Ebikorwa 16:8

Kurwa ejo nibhatura mu‑mukoowa gwa Miisiya, nibhagenda mu‑musi gwa Turoowa.

Ebikorwa 20:16

Okubha Pawuro aariga akarariiye ati chisige okutura Yefeeso, korereki aasiga okukoora mu‑mukoowa gwa Asiya omwo. Aariga ˆnaakena okukinga bhwangu Yerusareemu, ruchaari okukinga orusuku rwa Pendekoosite, araabha jikaturikeene.

Ebikorwa 20:5

Abho ꞉bhaachitangatiiye mu‑musi gwa Turoowa na okuchirindirira eyo.

Ebikorwa 21:4

Nichiyenja abheeyigisibhwa bheende‑wo, nichibhabhona nichiikara nabho awo siku etaanu na ebhiri. Abheeyigisibhwa abho nibhatangasibhwaga na Mwoyo Mweru nibheerembeeresya Pawuro ati asige okugenda Yerusareemu.

Ebikorwa 21:8

Mwejo yende‑ko, nichiriinya mu‑ngarabha, nichikinga mu‑musi gwa Kayisaariya. Nichiikara mu‑nju ya Firipo, unu aariga ari muraasya wa Emisango ja Ekisi ja Yeesu. Aariga ari umwi wa abhasakisi bhataanu na bhabhiri bhanu ꞉bhaasorerwe Yerusareemu.

Ebikorwa 28:14

Awo nichibhugana na abheekirisya abharebhe, nibhachiirembeeresya chibhe nabho kwa omwanya gwa siku etaanu na ebhiri, nichiikirisya. Nikwo kutyo ꞉chaakingire mu‑musi gwa Ruumi.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

2 Timoteo 4:13

Ukaaja, undeetere rikabhuuti ryani rinu ꞉naasigire ewa Kaaripo mu‑musi gwa Turoowa. Ka wone wiichuke okundeetera ebhitabho bhyani, chimwichimwi bhirya bhya jinjayi.