Ebikorwa 20:16 - Indagano Inyaaya mu-Chijita

¹⁶ Okubha Pawuro aariga akarariiye ati chisige okutura Yefeeso, korereki aasiga okukoora mu‑mukoowa gwa Asiya omwo. Aariga ˆnaakena okukinga bhwangu Yerusareemu, ruchaari okukinga orusuku rwa Pendekoosite, araabha jikaturikeene.

INDAGANO INYA:YA

¹⁶ Okuba Paulo ariga endere okutura Efeso mu ngaraba, a:siga kuko:ra mu Asia, okuba ariga nangua, korereki ariba jitatamisye abe Yerusalemi ku rusiku rwa Pentekote.

Ebikorwa 20:16 ပူးပေါင်းရင်းမြစ်များ

Ebikorwa 12:13

Peetero ˆnaakonoona kw‑irango rya inju eyo. Omukosi umwi wa echigasi, risiina ryaye ni Rooda, ˆnaaja okwigura omuryango.

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 18:19

Mu‑njira, bhejire bhaakinga mu‑musi gwa Yefeeso, Pawuro ˆnaasiga abheejaabho erya. Omwene ˆneengira mu‑nju ya eriikofyanyo, ˆnaayikana na Abhayawudi.

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 2:1

Orusuku rwa Pendekoosite rwejire rwakinga, abhaanu bhoone bhanu ꞉bheekirisiisye Yeesu bhaariga bheekofyanyiisye mu‑nju imwi.

Ebikorwa 20:13

Pawuro ˆnaaribhata kwa maguru okugenda mu‑musi gwa Asoosi. Eswe nichigenda eyo na ingarabha, korereki chibhonane nage eyo, kwa okubha awo niwo ꞉cheekirisyanyiisye nage ati chirimugega.

Ebikorwa 20:18

Bhejire bhaamukinga‑ko, ˆnaabhabhwira ati, “Emwe abheene mumenyere kutyo ꞉neekaaye na emwe omwanya gwone, okusookerera orusuku rwa okwamba runu ꞉naakingire Asiya anu.

Ebikorwa 20:22

“Woori, Mwoyo Mweru kaansinyiirisya ati, nigende Yerusareemu. Enigenda, nitakumenya jinu ejija okumbona eyo.

Ebikorwa 20:4

Ku‑rugendo runu, Pawuro ꞉aayeregesibhwe na Sopateeri omwana wa Piiro okusooka mu‑musi gwa Bherooya, aamwi na abhaanu bhabhiri, Arisitaariko na Sekundo okusooka mu‑musi gwa Tesaroonike, Gaayo okusooka mu‑musi gwa Deeribhe, Timoteewo, Tukiiko na Torofiimo okusooka mu‑mukoowa gwa Asiya.

Ebikorwa 20:6

Omwanya gunu ichikukuru ya emikaate jinu jitakutuurwa‑mo echifwimbya ꞉yaayitingʼeene, nichisooka mu‑musi gwa Firiipi na ingarabha. Nichiribhata siku etaanu okukingira nichikinga mu‑musi gwa Turoowa, awo niwo ꞉chaabhugeene na abheejaasu abho. ꞉Chaabheeye awo siku etaanu na ebhiri.

Ebikorwa 21:4

Nichiyenja abheeyigisibhwa bheende‑wo, nichibhabhona nichiikara nabho awo siku etaanu na ebhiri. Abheeyigisibhwa abho nibhatangasibhwaga na Mwoyo Mweru nibheerembeeresya Pawuro ati asige okugenda Yerusareemu.

Ebikorwa 24:17

“Mbe, emiguuga ꞉jaaturire myafu ꞉niteejire Yerusareemu. Nejire neeya niniija korereki nireete obhusakisi ku‑Bhayawudi bheejaasu abhataka na okusoosya echitambwa ku‑Nyamuwanga.

1 Bakorinto 16:8

Nawe woori enisigara mu‑musi gwa Yefeeso anu, okukingira orusuku rwa Pendekoosite rukinge.