Ebikorwa 2:4 - Indagano Inyaaya mu-Chijita

⁴ Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

INDAGANO INYA:YA

⁴ Bo:ne nibe:jura Omwoyo Mweru, nibamba okwaika na jinyaika ejindi, rwa kutyo Omwoyo abayae okuja:ika.

Ebikorwa 2:4 ပူးပေါင်းရင်းမြစ်များ

Matayo 10:19

Bhaakabhasira, mw‑iramuriro eyo, mwasiga okuyaya ati, omuja okwayika ki. Nyamuwanga aribhayaana emisango ja okwayika ku‑mwanya ogwo.

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Ruuka 1:15

kwa okubha, aribha omukuru imbere ya Raatabhugenyi. Omwana oyo, okwambira mu‑nda ya nyiramwene, aribha ˆneejurwa Mwoyo Mweru. Kurwa ejo, atarinywa echifuufu sirisiri noorwo ebhindi bhyone bhinu ebhikora.

Ruuka 1:41

Erijaabheeti ejire oongwa era obhukeesya bhwa Maryamu, omwana ˆnaagoma mu‑nda yaaye. Awoawo, Erijaabheeti ˆneejurwa Mwoyo Mweru,

Ruuka 1:67

Jaakariya esemwene omwana oyo, ˆneejurwa Mwoyo Mweru, ˆnaasoosya obhuragi ati,

Ruuka 12:12

Okubha ku‑mwanya ogwoogwo, Mwoyo Mweru aribheeyigisya emisango jinu omuja okwayika.”

Ruuka 21:15

Anye omwene, niribhayaana obhwengeeso, na emisango jinu muryayika, abhasoko bheemwe bhataritura okuyaajana najo, noorwo okujirema.

Ruuka 4:1

Yeesu ˆnaasooka ku‑musima gwa Yorodaani, eejuuywega Mwoyo Mweru. Aatangasibhwaga na Mwoyo Mweru mw‑ibhara eyo, ku‑mwanya gwone gwa masuubha makumi gana.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 20:22

Ejire aamara okwayika ejo, ˆnaabhafuuyira omwika, ˆnaabhabhwira ati, “Muramire Mwoyo Mweru.

Ebikorwa 1:5

Okubha, Yowana ꞉aabhatiijiisye abhaanu mu‑manji, nawe jisiku jitari nyafu emwe omuja okubhatiijibhwa kwa Mwoyo Mweru.”

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 10:46

Okubha ꞉bhoonguuwe abhaanu abho nibhaayikaga mu‑nyaayika jingenyi na okukusya Nyamuwanga. Niwo Peetero ˆnaayika ati,

Ebikorwa 10:47

“Abhaanu abho bharamiiye Mwoyo Mweru rwa eswe kutyo ꞉chaamuramiiye. Angu ari‑wo omuunu unu kaatura okugaanya abhaanu abho, bhasige okubhatiijibhwa mu‑manji?”

Ebikorwa 11:15

“Nejire naamba okubhwira abhaanu abho, niwo Mwoyo Mweru ˆnaabheekira, rwa kutyo ꞉aachiikiiye ku‑bhwambiro.

Ebikorwa 11:24

Bharinaabha aariga ari muunu wa ekisi, eejuuywe Mwoyo Mweru na eriikirisya enene. Abhaanu bhaafu ꞉bheekirisiisye Raatabhugenyi Yeesu, kurwa ejo obhukumi bhwa abheekirisya bhwariga nibhwiyongesya muno.

Ebikorwa 13:52

Nawe abheeyigisibhwa bha Yeesu bha Atiyookiya ya Pisiidiya eyo, nibhabha na rikonderwa enene nibhagendereraga okwijusibhwa Mwoyo Mweru.

Ebikorwa 13:9

Saawuri unu aatogwaga risiina erindi ati Pawuro, enu eejuuywe Mwoyo Mweru, ˆnaaringira Erima nekeneke,

Ebikorwa 15:8

Nyamuwanga niwe kaamenya emyoyo ja abhaanu, ꞉eeresiisye ati bhanu bhatari Bhayawudi wone kaabheekirisya kwa okubhayaana Mwoyo Mweru, rwa kutyo ꞉aachiyaanire eswe wone.

Ebikorwa 19:6

Omwanya gunu Pawuro ꞉aabhatereeye‑ko amabhoko gaaye, awoawo Mwoyo Mweru ˆnaabheekira, nibhaamba okwayika mu‑nyaayika jingenyi na okusoosya obhuragi.

Ebikorwa 2:11

Bhari‑wo abhandi ni Abhakireete na abhandi ni Abhaarabhu. Eswe bhoone, echuungwa nibhakuuya Nyamuwanga ku‑bhikorwa bhyaye ebhinene, mu‑nyaayika jeeswe!”

Ebikorwa 2:3

Awoawo nibharora ebhiinu bhinu bhyariga bhiri wuti jimbeesi ja omuriro, nibhigabhanyika, nibhiika inguru ya bhuri muunu ku‑bheene.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 4:8

Awo Peetero ˆneejusibhwa na Mwoyo Mweru, ˆnaabhabhwira ati, “Emwe abhatangasya bha abhaanu na abhakuru bha Abhayawudi!

Ebikorwa 6:3

Woori, abhayiri bhaasu, mwawure abhaanu bhataanu na bhabhiri bha echirume agati yeemwe, abha jitungwa ja kisi, bhanu bheejuuywe Mwoyo Mweru na obhwengeeso. Abho echija okubhayaana emirimu ejo,

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 6:8

Tefwano oyo, Nyamuwanga aariga amuyaaye ribhando enene, na amanaga maafu. Nikwo okukora aakoraga ebhiruguusyo na ebhibharikisyo mu‑bhaanu.

Ebikorwa 7:55

Nawe Tefwano eejuuywe Mwoyo Mweru, ˆnaaragamira inguru mu‑rwire, ˆnaarora rikusyo rya Nyamuwanga na Yeesu eemereeguuyu orubhaara rwa ebhuryo rwa Nyamuwanga.

Ebikorwa 8:17

Peetero na Yowana nibhatuura amabhoko geebhwe ku‑bheekirisya abho, nibharamira Mwoyo Mweru.

Ebikorwa 9:17

Mbe, Ananiiya ˆnaagenda, ˆneengira mu‑nju eyo. ˆNaamutuura‑ko amabhoko, ˆnaayika ati, “Saawuri waasu, Raatabhugenyi aantuma kw‑awe, korereki urore na wijusibhwe Mwoyo Mweru. Raatabhugenyi oyo niwe Yeesu, unu ꞉aakusoromokeeye ku‑njira omwanya gunu waajaga enu.”

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

1 Bakorinto 12:10

owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

1 Bakorinto 13:1

Noorwo nikaayika mu‑nyaayika ja abhaanu na mu‑nyaayika ja bhamaraayika, nawe araabha nitari na eryenda, enibha rwa omuunu unu kaamwaya era, inyaayika yaani eyo, ni ya kutyo era.

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

1 Bakorinto 14:18

Enisiima Nyamuwanga kwa okubha enaayika mu‑nyaayika ingenyi okukira emwe bhoone,

1 Bakorinto 14:5

Anye eneenda emwe bhoone mubhega nimwayika jinyaayika jingenyi, nawe eneenda muno mubhega nimusoosya obhuragi. Enaayika kutyo, kwa okubha okusoosya obhuragi okusakira abheekirisya abhandi muno okukira okwayika jinyaayika jingenyi, araabha akabha atari‑wo unu kaagajura jinyaayika ejo. Kurwa ejo, unu kaayika jinyaayika jingenyi agajure korereki asakire abheekirisya abheejaabho bheekomeesye mu‑riikirisya.

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Baefeso 5:18

Ka wone musige obhukorwa kwa okubha obhureterera obhunyamuke, tari mwijusibhwe Mwoyo Mweru,

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

2 Petero 1:21

Okubha gutari‑wo wuri omusango gwa obhuragi gunu gusookeene na okwenda kwa omuunu. Tari abhaanu ꞉bhaasoosiisye obhuragi okusooka ku‑Nyamuwanga nibhatangasibhwaga na Mwoyo Mweru.