Ebikorwa 2:33 - Indagano Inyaaya mu-Chijita

³³ Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

INDAGANO INYA:YA

³³ Mbe, wejire amara okuku:ibwa ku kuboko kwe buryo okwa Nyamuanga, nayabwa omurago gwo Mwoyo Mweru Kwisemwene, mbe niwo nabe:tururira cinu omurora no kucungwa woryanu.

Ebikorwa 2:33 ပူးပေါင်းရင်းမြစ်များ

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Yowana 14:16

Mbe, anye nirisabhwa Raata abhayaane Omusakisi owundi, korereki abhe aamwi na emwe siku joone.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Ebikorwa 1:4

Rusuku rumwi, bhunu Yeesu aariga ˆnaarya aamwi na jitumwa ejo, ꞉aabharagiriiye ati, “Mwasiga okusooka mu‑musi gwa Yerusareemu. Tari, murindirire omwoomwo, okukingira omwanya gunu omuja okuramira omurago gunu Raata ꞉aabharagire rwa kutyo ꞉naabhabhwiriiye.

Ebikorwa 10:45

Abhayawudi bhanu ꞉bheekirisiisye Kirisito bhanu ꞉bheejire na Peetero, ꞉bhaatangʼangʼaaye muno okurora ati, Nyamuwanga ꞉aayaaye noorwo abhaanu bhanu bhatari Bhayawudi echiyaanwa cha Mwoyo Mweru.

Ebikorwa 2:17

‘Mu‑siku ja obhuteero, niriitururira Mwoyo Mweru waani inguru ya abhaanu bhoone. Abhaana bheemwe, abhamura na abhayarakaji bharisoosya obhuragi, abhasigaji bheemwe bharirora ebhiroro na abhakaruka bheemwe bhariroota ebhirooto.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Bagalatia 3:14

꞉Aachichunguuye, korereki amabhando ganu ꞉aayaaywe Bhurayimu, gakinge ku‑bhanu bhatari Bhayawudi okutura ku‑Kirisito Yeesu. Mbe woori, eswe bhoone, echitura okuramira Mwoyo Mweru unu Nyamuwanga ꞉aaragire okuchiyaana, ku‑njira ya okwikirisya Kirisito Yeesu.

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

Baefeso 4:8

Nikwo okukora, Ebhikaame Ebhyeru ebhyayika ati, “Ejire aariinya inguru, ꞉aagwatire abhasoko, ˆnaayaana abhaanu ebhiyaanwa.”

Tiito 3:6

Nyamuwanga ꞉aachiitururiiye Mwoyo Mweru oyo kwa obhwafu, ku‑njira ya Yeesu Kirisito Omuchungusi weeswe.

Baeburania 10:12

Nawe Kirisito ꞉eesoosiisye rumwi okubha echoogo, korereki achisoosye‑ko ebhibhiibhi bhyeswe. Omwene niwe echoogo chinu chiiyire kajaanende koone. Niwo ˆneenyanja orubhaara rwa ebhuryo rwa Nyamuwanga.

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.