Ebikorwa 2:27 - Indagano Inyaaya mu-Chijita

²⁷ kwa okubha utarinsiga nyombe. Ka wone utariikirisya ati, omubhiri gwani gubhorere eyo, anye Omweru waawo.

INDAGANO INYA:YA

²⁷ Okuba utarisiga omwoyo gwani ebwire, Amwi utarisiga Omweru wao abore.

Ebikorwa 2:27 ပူးပေါင်းရင်းမြစ်များ

Matayo 11:23

Emwe abhaanu bha Kaperinaawumu, omwitogera ati Nyamuwanga aribhariinyagisya abhakingye mu‑rwire? Wuri, mutarikorerwa kutyo! Nawe aribhooromosya abhakingye mu‑nyombe! Araabha ebhiruguusyo bhinu ꞉naakorere kw‑imwe, bhyakakorekeene mu‑musi gwa Sodoma, omusi ogwo, gwakabheye‑wo okukingira reero.

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Ruuka 16:23

Mbe, omuniibhi oyo, omwanya gunu aanyaakaga muno nyombe eyo, ˆneenamusya ameeso, ˆnaarora Bhurayimu ari kura, na Rajaaro ari mu‑chifubha cha Bhurayimu.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ruuka 4:34

“Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Yowana 11:39

Yeesu ˆnaaragirira abhaanu bhanu bhaariga bhari‑wo awo, ˆnaayika ati, “Musoosye‑ko ribhuyi eryo.” Nawe Maarita, omuyara waabho Rajaaro omufuuwe, ˆnaamusubhya ati, “Raatabhugenyi, woori aawunyire chuchuchu, kwa okubha aamarire siku ena ari mu‑chituuro omwo.”

Ebikorwa 2:26

Kurwa ejo, omutima gwani ogukonderwa, ka wone mu‑kanwa kaani enisandabha. Noorwo omubhiri gwani, siku joone guri na obhwiyikanyo,

Ebikorwa 2:28

Unyeeresiisye jinjira ja obhuwanga, urinyiijusya risandabha enene, kwa okubha uri yeeyi na anye.’”

Ebikorwa 2:31

Okubha Dawudi ꞉aarorere emisango jinu ejija okukorekana, ꞉aayikire inguru ya okusuuruka kwa Kirisito ati, ꞉ataasigirwe nyombe na omubhiri gwaye ꞉gutaabhorere.

Ebikorwa 3:14

Yeesu aariga ari mweru na omurengeresi, nawe emwe ꞉mwamuremere, nimusabhwa Piraato ati, omwiti asuruumurwe.

Ebikorwa 4:27

“Okubha ni chimari ati mu‑musi gunu Yeroode Atipaasi na Pootiyo Piraato ꞉bhaabhugeene aamwi na abhaanu bhanu bhatari Bhayawudi na Abhayisirayeeri, korereki bhareme Yeesu, omukosi waawo omweru unu ꞉waasorere abhe Kirisito.

1 Bakorinto 15:52

Ogwo gurikorekana bhwangu muno, rwa okutematema ameeso, omwanya gunu rinyawegoona rya obhuteero riririra. Omwanya ogwo abhafuuwe bharisuururwa na bharibha na emibhiri jinu jitakunyamuka rindi, na eswe bhanu chichaari bhaanga, chiriyindurwa wone.

1 Bakorinto 15:55

“Awe rufu, obhuyigi bhwawo bhuri aaki? Bhuri aaki obhuturo bhwawo bhwa okureeta obhusungu?”

1 Yoana 2:20

Nawe emwe, Yeesu Omweru abhayaanire Mwoyo waaye, kurwa ejo, woori bhoone omumenya echimari.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.

Obhusweruro 20:13

Inyanja nisoosya abhafuuwe bhanu bhaariga bhari‑mo. Orufu na nyombe wone nibhisoosya abhafuuwe bhanu bhaariga bhari‑mo. Bhuri umwi weebhwe ˆnaaramurwa okuruubhana na ebhikorwa bhyaye.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!