Ebikorwa 2:23 - Indagano Inyaaya mu-Chijita

²³ Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

INDAGANO INYA:YA

²³ Oyo aso:sibwe rwa kutyo Nyamuanga atangatire okurwaja rwo bukarae bwae kutyo bwariga buri mu binu ariga amenyere kara, emwe mwamugwatire, nimumubamba no kumwita na maboko ga ba:nu ababi:bi.

Ebikorwa 2:23 ပူးပေါင်းရင်းမြစ်များ

Matayo 20:19

Ku‑bhuteero, bharintuura mu‑mabhoko ga abhaanu bhanu bhatari Bhayawudi, korereki bhansiijaake, bhambume na jijaridi, na okumbumiirira ku‑musarabha. Nawe ku‑rusuku rwa kasatu, Nyamuwanga arinsuurura.”

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Matayo 27:35

Nibhabhumiirira Yeesu ku‑musarabha, nibhagabhana emyenda jaaye kwa okwitongya. [Niwo omusango nigukuumira gunu ꞉gwayikirwe na owumwi wa abharagi inguru ya Yeesu ati, “꞉Bhaagabheene emyenda jaani, nibheetongya inguru ya omwingiro gwani.”]

Mariko 15:24

Niwo nibhamubhumiirira ku‑musarabha, nibhagabhana emyenda jaaye, kwa okwitongya, korereki bharamure ati, niga unu kaja okugega ingubho ki.

Ruuka 22:22

Anye Omwana wa Omuunu enigenda okwitwa rwa kutyo jikarariiywe. Nawe, jiribhona omuunu unu arintuura mu‑mabhoko ga abhasoko!”

Ruuka 22:37

Okubha jikaamirwe ati, ‘꞉Aabhariiywe aamwi na abhakosi bha ebhibhiibhi.’ Emisango ejo, ꞉jaakaamirwe inguru yaani. Emisango jinu ꞉naakaamiiywe ni bhusibhusi jikuumire.”

Ruuka 23:33

Bhejire bhaakinga anu aatogwaga ati, “Echiyanga cha omuunu,” nibhabhumiirira Yeesu ku‑musarabha aamwi na abhanyamusi abho, owumwi orubhaara rwa ebhuryo na owundi orubhaara rwa ebhumoosi.

Ruuka 24:20

Abhakuru bha abhagabhisi na abhatungi bheeswe, nibheekirisya ati, eetwe. Nibhamubhumiirira ku‑musarabha.

Yowana 19:18

Bhejire bhaakinga arya, nibhamubhumiirira omwene na abhaanu abhandi bhabhiri ku‑misarabha, owumwi orubhaara rwa ebhuryo rwa omusarabha gwa Yeesu, na owundi orubhaara rwa ebhumoosi, na Yeesu aariga ari agatigati yeebhwe.

Yowana 19:24

Mbe, nibhaayikana ati, “Chisige okutemura omwingiro gunu, tari chigwitongisye, chirore ati, oguja okubha gwa ga.” Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “꞉Bhaagabheene emyenda jaani, na okwitongya inguru ya omwingiro gwani.” Nikwo kutyo abhasirikare abho ꞉bhaakorere.

Ebikorwa 13:27

Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

Ebikorwa 15:18

na nijo ejoejo ꞉jaamenyekeene okusookerera kara.’”

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

Ebikorwa 4:28

Jinu ꞉bhaakorere, nijo jinu awe ꞉waaramuuye okwambira ku‑bhwambiro jikorekane, noorwo ejo wone ꞉jaakorekeene kwa obhwira bhwawo.

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

Barumi 2:12

Abhaanu bhanu bhatari Bhayawudi bhanu abhakora ebhibhiibhi bharisingaarisibhwa, noorwo bhaakabha bhatakumenya ebhiraagiro bhya Muusa. Abhayawudi bhanu abhakora ebhibhiibhi keenu bhamenyerega ebhiraagiro ebhyo, abheene bhariramurwa okuruubhana na ebhiraagiro ebhyo.

Barumi 4:17

Ni rwa kutyo Nyamuwanga ꞉aabhwiriiye Bhurayimu mu‑Bhikaame Ebhyeru ati, “Nikuteeye‑wo ubhe raata wa amaanga amaafu.” Bhurayimu ꞉oonguuwe emisango ejo ari imbere ya Nyamuwanga, ˆneekirisya Nyamuwanga unu kaayaana abhafuuwe obhuwanga, na unu kaaragirira ebhiinu bhinu bhichaariga okubha‑wo bhibhe‑wo.

1 Batesalonika 2:15

Abhayawudi abho, nibho ꞉bheetire Raatabhugenyi Yeesu aamwi na abharagi bha kara. Ka wone, nibho ꞉bhaachinyaasiisye eswe wone. Abhaanu abho abhabhiyisya Nyamuwanga, nyabhuriko ni bhasoko bha abhaanu bhoone,

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

1 Petero 2:8

Ka wone, “Ribhuyi eryo ni rya okwikuujura‑ko, ni rutare rwa okugwisya abhaanu.” Abhaanu abheekuujura‑ko, kwa okubha bhatakugayuka omusango gwa Nyamuwanga. Ka wone nikwo kutyo bhaariga bhakarariiywe okusookerera kara.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.