Ebikorwa 2:22 - Indagano Inyaaya mu-Chijita

²² Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

INDAGANO INYA:YA

²² Emwe bamura ba Israeli, nimungwe emisango jinu. Yesu wende Najareti, omu:nu unu Nyamuanga abe:resisye emwe mu bikorwa bya managa ne birugu:ro ne bibarikisyo, Nyamuanga akorere na maboko gae aagati yemwe, rwa kutyo emwe one mumenyere.

Ebikorwa 2:22 ပူးပေါင်းရင်းမြစ်များ

Matayo 12:28

Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Matayo 2:23

Nibhaja mu‑musi gunu gwatogwaga ati Najareeti, nibheekara eyo. Niwo omusango ꞉gwakuumiiye gunu ꞉gwayikirwe inguru ya Yeesu ku‑njira ya abharagi ati, “Aritogwa Omunajareeti.”

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Ruuka 11:20

Nawe, araabha anye enisoosya‑ko amasambwa ku‑bhuturo bhwa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Ruuka 18:37

Nibhamubhwira ati, “Yeesu Omunajareeti kaatura awo.”

Ruuka 24:18

Owumwi weebhwe, ˆnaatogwaga Kiriyoopa, ˆnaamusubhya ati, “Jitari ati, naawe omugenyi era mu‑Yerusareemu, unu atakumenya jinu jikorekeene‑mo ejorirya anu?”

Yowana 1:45

Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

Yowana 10:37

Araabha nitakukora emirimu jinu Raata waani kaakora, mbe musige okunyikirisya.

Yowana 11:47

Mbe, abhakuru bha abhagabhisi na Abhafarisaayo nibhabhirikirana okwinyanja echinyanjo cha ribharaja rikuru rya Abhayawudi, nibhabhuusyanya ati, “Chikore kutiki? Okubha omuunu unu kaakora ebhibharikisyo bhyafu.

Yowana 12:17

Abhaanu bhanu bhaariga bhari na Yeesu omwanya gunu ꞉aabhirikiiye Rajaaro okusooka mu‑fwa na okumusuurura okusooka mu‑bhafuuwe, nibho bhaariga bhaaraasiisye inguru ya emisango jinu Yeesu ꞉aakorere.

Yowana 15:24

Nikorere ebhiruguusyo ebhinene bhinu omuunu owundi achaariga okukora. Araabha bhakabheeye bhatabhirorere, bhatakabheeye na echibhiibhi. Nawe woori, bharorere joone jinu ꞉naakorere, noorwo kutyo bhachaansokere na Raata waani wone bhamusokere.

Yowana 19:19

Piraato ˆnaaragirira ati jikaamwe emisango ku‑kabhaawu na akabhaawu ako katuurwe inguru ya omusarabha gwa Yeesu. Emisango ejo jaariga jikaamirwe ati, “unu ni yeesu wa najareeti, omukama wa abhayawudi.”

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 4:48

Yeesu ˆnaamusubhya ati, “Emwe, mukarema okurora echibharikisyo na ebhiruguusyo, mutakunyikirisya chimwi!”

Yowana 5:36

Nawe obhubhambaasi bhunu anye niri nabhwo ni bhunene okukira bhwa Yowana bhurya, kwa okubha emirimu jinu Raata ꞉aanaaye okukuumisya, nijo ejeeresya ati, Raata niwe ꞉aantumire.

Yowana 6:14

Abhaanu abho bhejire bhaarora echibharikisyo chinu Yeesu ꞉aakorere, nibhaayika ati, “Chimari omuunu unu ni muragi wa Nyamuwanga unu chaariga nichiiyikanya ati ariija ku‑chaaro kunu.”

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

Yowana 7:31

Nawe abhaanu bhaafu mu‑bhanu bhaariga bhari arya, nibheekirisya Yeesu. Abhaanu abho nibhaayika ati, “Araabha omuunu kaakora ebhibharikisyo bhyafu kutyo, itari ati omwene niwe Kirisito?”

Yowana 9:33

Omuunu oyo akabheeye atasookere ku‑Nyamuwanga, ataakaturire okukora ejo.”

Ebikorwa 13:16

Awo Pawuro ˆneemereeguru, ˆnaabhawungisya okubhoko korereki bhamutegeresye, ˆnaayika ati, “Emwe abhaanu bha Yisirayeeri, na emwe abhaanu bhanu mutari Bhayawudi bhanu omuramya Nyamuwanga, muntegeresye!

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Ebikorwa 2:19

Nirikora ebhiruguusyo ku‑rutumba inguru, na ebhibharikisyo ku‑chaaro emwaro anu. Bharirora ebhibharikisyo rwa bhinu, isagama, omuriro, na ingesi sito muno.

Ebikorwa 2:43

Jitumwa ejo bhaariga nibhakora ebhiruguusyo na ebhibharikisyo bhyafu, okukingira abhaanu bhoone nibhayaya.

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Ebikorwa 22:8

Nimmubhuusya ati, ‘Raatabhugenyi awe, naawe ga?’ Omwene ˆnaansubhya ati, ‘Anye naanye Yeesu Omunajareeti, unu awe owunnyaasya.’

Ebikorwa 24:5

“Chaarora ati omuunu unu ni murangirangi kwa okubha kaakungirisya Abhayawudi bhasokane abheene kwa abheene mu‑bhyaro bhyone. Omwene wone ni mutangasya wa idiini ya orubheeyi ya Abhanajareeti.

Ebikorwa 26:26

Omukama wone kaajimenya kisi. Niyo isonga enitura okwiyeresya kwa ribhaasi imbere yaaye. Gutari‑wo noorwo omusango gumwi gunu atamenyere, kwa okubha jaariga jitakukorekana mu‑mbisike.

Ebikorwa 26:9

“Chimari, anye omwene naaroraga mu‑mutima gwani ati yaariga iri bhusibhusi nikore emisango myafu, korereki okuyaajana na risiina rya Yeesu Omunajareeti.

Ebikorwa 3:12

Peetero ejire aarora abhaanu abho bheekofyanyiisye, ˆnaabhabhwira ati, “Emwe Abhayisirayeeri bheejaasu, mutegeresye, ni kurwa ki emisango ejo ejibharuguusya? Mbawo omuchiringira muno wuti omuunu unu aawosibhwa kwa obhuturo bhweswe, amwi kwa okubha eswe chiikaaye obhurame bhunu Nyamuwanga keenda?

Ebikorwa 3:6

Nawe Peetero ˆnaamubhwira ati, “Nitari na jipirya noorwo inaaryo, nawe chinu niri nacho ni chinu. Enikubhwira kw‑isiina rya Yeesu Kirisito Omunajareeti, imereeguru uribhate!”

Ebikorwa 4:10

emwe bhoone aamwi na Abhayisirayeeri abhandi bhoone, enikena mumenye echimari ati, unu eemereeguuyu imbere yeemwe ni muwanga, kwa obhuturo bhwa risiina rya Yeesu Kirisito Omunajareeti, unu emwe ꞉mwabhambire ku‑musarabha, nawe Nyamuwanga ꞉aamusuuruuye okusooka mu‑bhafuuwe.

Ebikorwa 5:35

Ejire eeya, ˆnaabhwira abhakuru abheejaabho ati, “Abhayiri bhaasu Abhayisirayeeri, muchaari okukora omusango ogwo omukena okukora ku‑bhaanu bhanu, okwamba mwiganirisye‑wo kisi!

Ebikorwa 6:14

Okubha chaamuungwa ˆnaayikaga ati, Yeesu Omunajareeti arifumya Riyekaru rinu na ariyindura jitungwa jeeswe jinu Muusa ꞉aachiyaaye.”

2 Bakorinto 12:12

Omwanya gunu naariga niri kw‑imwe, ꞉neebhurisiisye okubha itumwa, kwa okubha ꞉naakorere ebhibharikisyo, ebhiruguusyo na ebhikorwa bhya amanaga kwa obhwigumiirisya bhwone.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.