Ebikorwa 2:17 - Indagano Inyaaya mu-Chijita

¹⁷ ‘Mu‑siku ja obhuteero, niriitururira Mwoyo Mweru waani inguru ya abhaanu bhoone. Abhaana bheemwe, abhamura na abhayarakaji bharisoosya obhuragi, abhasigaji bheemwe bharirora ebhiroro na abhakaruka bheemwe bhariroota ebhirooto.

INDAGANO INYA:YA

¹⁷ Nyamuanga ka:ika ati, Mu siku ja ku bute:ro ndibe:tururira ba:nu bo:ne Omwoyo gwani. Aba:na bemwe be cimura na be ciyara bariraga oburagi, Na bamura bemwe barirora ebiroro Na bakaruka bemwe bariro:ta ebiro:to.

Ebikorwa 2:17 ပူးပေါင်းရင်းမြစ်များ

Ruuka 3:6

niwo abhaanu bhoone bharirora obhuchungusi okusooka ku‑Nyamuwanga.’”

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Ebikorwa 10:45

Abhayawudi bhanu ꞉bheekirisiisye Kirisito bhanu ꞉bheejire na Peetero, ꞉bhaatangʼangʼaaye muno okurora ati, Nyamuwanga ꞉aayaaye noorwo abhaanu bhanu bhatari Bhayawudi echiyaanwa cha Mwoyo Mweru.

Ebikorwa 11:27

Mu‑siku ejo abharagi okusooka Yerusareemu ꞉bheejire Atiyookiya.

Ebikorwa 11:28

Owumwi weebhwe, risiina ryaye aatogwaga Agabho, ˆneemereeguru mw‑isangi, ˆnaasoosya obhuragi kwa obhuturo bhwa Mwoyo Mweru ati, omweko omururu oguuja okuswirana ku‑chaaro choone. Chimari rwa kutyo ꞉aayikire, omweko ogwo ꞉gwabheeye‑wo ku‑mwanya gwa obhutungi bhwa Kirawudiyo unu aariga ari Kayisaari.

Ebikorwa 2:16

Nawe emisango ejo nijo jinu Nyamuwanga ꞉aayikire okutura ku‑muragi waaye Yoweeri, ati,

Ebikorwa 2:18

Mu‑siku ejo niribheetururira Mwoyo Mweru waani noorwo inguru ya abhagaya bhaani, abharume na abhagasi, wone bharisoosya obhuragi.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Ebikorwa 21:9

Firipo oyo, aariga ari na abhayaasya bhana bhanu bhaariga bhari na obhuturo bhwa okusoosya obhuragi.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

1 Bakorinto 12:10

owundi echiyaanwa cha okukora ebhiruguusyo, owundi echiyaanwa cha okusoosya obhuragi. Mwoyo oyooyo kaayaana owundi echiyaanwa cha okusombookerwa araabha omusango gusookere ku‑masambwa amwi ku‑Mwoyo Mweru, owundi echiyaanwa cha okwayika jinyaayika jingenyi, owundi echiyaanwa cha okugajura jinyaayika ejo.

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Yakobo 5:3

Inaaryo na jipirya jeemwe, jaajirire obhutaretare. Obhutaretare obhwo nibhwo bhuribha obhubhambaasi kw‑imwe kutyo omukorera emirimu kubhiibhi obhuniibhi bhwemwe. Ka wone obhutaretare obhwo bhurisingaarisya emibhiri jeemwe rwa omuriro kutyo ogusingaarisya. Emwe mwibhiikiiye ebhiinu ku‑siku ja obhuteero.

2 Petero 3:3

Omusango gwa bhusibhusi gunu omukenwa mumenye ni ati, mu‑siku ja obhuteero, bhariija abhaanu abha okusiijaaka muno, bhanu bhariruubhaga okurigira kwebhwe okubhiibhi. Bharisiijaaka