Ebikorwa 2:14 - Indagano Inyaaya mu-Chijita

¹⁴ Niwo Peetero ˆneemereeguru, aamwi na jitumwa jeejaabho jirya ekumi na umwi, ˆnaamura obhuraka ˆnaabhwira abhaanu abho ati, “Emwe Abhayawudi bheejaasu, na emwe abhandi bhanu mwikaaye Yerusareemu anu, muntegeresye kisi, korereki nibheeresye emisango jinu!

INDAGANO INYA:YA

¹⁴ Mbe Petero nemereguru aamwi na bariya rikumi no umwi, na:ikirira inguru, nababwira ati, Emwe bamura ba Buyaudi, nemwe bo:ne banu mwikae Yerusalemi, mumenye omusango gunu, nimutegeresya emisango jani.

Ebikorwa 2:14 ပူးပေါင်းရင်းမြစ်များ

Matayo 2:1

Yeesu ꞉eebhuriiywe mu‑musi gwa Bhetereyeemu mu‑mukoowa gwa Yuudeya, omwanya gwa obhutungi bhwa omukama Yeroode. Mbe, ku‑mwanya ogwo, nigwo abhasombookerwa bha jinjota okusooka ebhuwuruka esuubha, ꞉bhaakingire mu‑musi gwa Yerusareemu. Bhejire bhaakinga omwo, nibhabhuusya abhaanu ati,

Ebikorwa 1:26

Bhejire bheeya, nibheetongya, ikuura niigwira Maatiya, ˆnaagwatanyibhwa na jitumwa jirya ekumi na umwi.

Ebikorwa 13:16

Awo Pawuro ˆneemereeguru, ˆnaabhawungisya okubhoko korereki bhamutegeresye, ˆnaayika ati, “Emwe abhaanu bha Yisirayeeri, na emwe abhaanu bhanu mutari Bhayawudi bhanu omuramya Nyamuwanga, muntegeresye!

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Ebikorwa 5:35

Ejire eeya, ˆnaabhwira abhakuru abheejaabho ati, “Abhayiri bhaasu Abhayisirayeeri, muchaari okukora omusango ogwo omukena okukora ku‑bhaanu bhanu, okwamba mwiganirisye‑wo kisi!

Ebikorwa 7:2

Tefwano ˆnaayika ati, “Bharaata na abhayiri bhaani, muntegeresye! Nyamuwanga owa rikusyo ꞉aasoromokeeye saaja weeswe Bhurayimu ari mu‑chaaro cha Mesopotaamiya. Omwanya gunu aariga achaari okwikara mu‑musi gwa Araani.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?