Ebikorwa 2:10 - Indagano Inyaaya mu-Chijita

¹⁰ Furiigiya, Pamufiriya na Miisiri. Bhari‑wo abhandi okusooka mbaara ja echaaro cha Riibhiya chinu chiri yeeyi na omusi gwa Kureene. Abhandi ni bhagenyi bhanu ꞉bhaasookere mu‑musi gwa Ruumi, Abhayawudi bha obhusimukwa na abhandi bhanu ꞉bheekirisiisye idiini ya Echiyawudi.

INDAGANO INYA:YA

¹⁰ na mu Furugia, na mu Pamfulia, na mu Misiri na mu ca:ro ca Libia, cinu cisijene na Kurene, na Barumi abagenyi, Abayaudi na banu baindukire.

Ebikorwa 2:10 ပူးပေါင်းရင်းမြစ်များ

Matayo 2:15

Bhejire bhaakinga mu‑chaaro echo, nibhabha omwo, okukingira omwanya gunu Yeroode ꞉aafuuwe. Emisango ejo ꞉jaakorekeene kutyo, korereki gukuumire omusango gunu Raatabhugenyi ꞉aayikire ku‑njira ya omuragi waaye ati, “꞉Naabhirikiiye omwana waani okusooka Miisiri.”

Matayo 23:15

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omwiyinda mu‑chaaro choone na okwambuka inyanja, korereki mukongye omuunu unu atari Muyawudi abhe muruubhirisya weemwe. Nawe akamara okubheekirisisya, omumukora okubha omuunu unu eeyire mu‑muriro gwa akajaanende koone kwiya kabhiri okukira emwe abheene.

Matayo 27:32

Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu.

Mariko 15:21

Bhari ku‑njira, nibhabhugana na omuunu unu aariga ˆnaasooka mw‑isambu, ˆnaayitingʼana mu‑musi gurya, aariga ˆnaatogwa Simooni, omwinengo wa mu‑musi gwa Kureene. Omuunu wurya aariga ari semwene Arekijanda na Ruufo. Abhasirikare abho nibhamusinyiirisya okwitwika omusarabha gwa Yeesu.

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Ebikorwa 13:13

Pawuro na abheejaabho nibhasooka Paafo awo. Nibhatura mu‑ngarabha nibhagenda nibhasikirira mu‑musi gwa Perege mu‑mukoowa gwa Pamufiriya. Yowana Maariko ˆnaabhasiga awo, ˆnaasubha Yerusareemu.

Ebikorwa 13:43

Omwanya gunu abhaanu abho ꞉bhaanyarambukire, Abhayawudi bhaafu, aamwi na abhaanu abhandi bhanu ꞉bhaagwateene na Abhayawudi bhanu bhaaramyaga Nyamuwanga, nibharuubha Pawuro na Bharinaabha. Abheene wone nibhasimura na abhaanu abho nibhabhakomeeresyaga ati, bhagenderere okwiyikanya obhwitiriranya bhwa Nyamuwanga.

Ebikorwa 14:24

Pawuro na Bharinaabha bhejire bhaamara okutura mu‑mukoowa ogwo gwa Pisiidiya, nibheengira mu‑mukoowa gwa Pamufiriya,

Ebikorwa 15:38

Nawe Pawuro ˆnaarora ati jitari ja ekisi bhagende aamwi nage, kwa okubha omwene, ꞉aabhasigire mu‑mukoowa gwa Pamufiriya, ˆnaarema okugenderera okukora emirimu aamwi nabho.

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 17:21

Omwanya ogwo abhaanu bha Ateene, aamwi na abhagenyi bha kura bhanu bhaariga bheekaaye eyo, bhaariga bhatakukora omusango ogundi, tari bhaategeresyaga emisango emiyaaya na okwayika inguru yaajo.

Ebikorwa 18:2

Awo ˆnaabhugana na Omuyawudi, risiina ryaye aatogwaga Akiira, omwibhurwa wa mu‑mukoowa gwa Pooto. Akiira oyo aamwi na omugasi waaye Pirisiira, bhaariga bhasookere mu‑musi gwa Ruumi mu‑chaaro cha Yitaariya, kwa okubha Kayisaari Kirawudiyo aariga aragiriiye Abhayawudi bhoone bhabhirimibhwe mu‑musi ogwo. Pawuro ˆnaagenda okubharora,

Ebikorwa 18:23

Ejire aamara siku nooto, ˆnaasooka‑wo, ˆnaatura mu‑mukoowa gwa Garaatiya na mu‑mukoowa gwa Furiigiya, ˆnaaribhatiraga na okukomeesya abheeyigisibhwa bhoone bha Kirisito.

Ebikorwa 2:11

Bhari‑wo abhandi ni Abhakireete na abhandi ni Abhaarabhu. Eswe bhoone, echuungwa nibhakuuya Nyamuwanga ku‑bhikorwa bhyaye ebhinene, mu‑nyaayika jeeswe!”

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

Ebikorwa 27:5

Nichitura mu‑nyanja ya omukoowa gwa Kiriikiya na ogwa Pamufiriya, nichikinga mu‑musi gwa Miira mu‑mukoowa gwa Riikiya.

Ebikorwa 28:15

Abheekirisya abheejaasu Ruumi eyo, bhejire bhoongwa ati echigenda eyo, nibhaaja okuchiramirira mw‑iguriro rya Apiiyo na abhandi anu aatogwaga ati Woteeri Esatu. Pawuro ejire aabharora, ˆnaasiima Nyamuwanga, omutima gwaye nigusandabha.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 6:9

Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

Barumi 1:15

Kurwa ejo, eniisigomba muno niije okuraasya Emisango ja Ekisi noorwo kw‑imwe Ruumi eyo.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

2 Timoteo 1:17

Bhunu ꞉eejire mu‑musi gwa Ruumi anu, ꞉eekomeesiisye okunyenja okukingira okumbona.

Obhusweruro 11:8

Emitumbi ja abhabhambaasi abho jirimaama kw‑iparapara rikuru rya omusi omukuru. Ogwo nigwo omusi gunu Raatabhugenyi weebhwe ꞉aabhambirwe ku‑musarabha. Omusi ogwo guri na itungwa rwa ya Sodoma na ya echaaro cha Miisiri.