Ebikorwa 2:1 - Indagano Inyaaya mu-Chijita

¹ Orusuku rwa Pendekoosite rwejire rwakinga, abhaanu bhoone bhanu ꞉bheekirisiisye Yeesu bhaariga bheekofyanyiisye mu‑nju imwi.

INDAGANO INYA:YA

¹ Mbe wejire rwaku:mira orusiku rwa Pentekote, bariga be:kofyanyisye bo:ne aamwi.

Ebikorwa 2:1 ပူးပေါင်းရင်းမြစ်များ

Ebikorwa 1:5

Okubha, Yowana ꞉aabhatiijiisye abhaanu mu‑manji, nawe jisiku jitari nyafu emwe omuja okubhatiijibhwa kwa Mwoyo Mweru.”

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 20:16

Okubha Pawuro aariga akarariiye ati chisige okutura Yefeeso, korereki aasiga okukoora mu‑mukoowa gwa Asiya omwo. Aariga ˆnaakena okukinga bhwangu Yerusareemu, ruchaari okukinga orusuku rwa Pendekoosite, araabha jikaturikeene.

Ebikorwa 4:24

Bhejire bhoongwa emisango ejo, bhoone nibhaamura obhuraka okusabhwa Nyamuwanga ati, “Raatabhugenyi awe, Nyamuwanga owa obhuturo bhwone. Awe ꞉waabhumbire orutumba, echaaro, inyanja, na bhyone bhinu bhiri‑mo.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 4:32

Abheekirisya bhoone bhaariga bhari na mwoyo gumwi na omutima gumwi. Aariga atari‑wo noorwo omuunu umwi unu ebhiinu bhyaye ꞉aakorere okubha bhyaye omwene era, nawe bhaariga nibhasangira ebhiinu bhyone.

Ebikorwa 5:12

Jitumwa ja Yeesu bhaariga nibhakora ebhibharikisyo na ebhiruguusyo bhyafu mu‑bhaanu. Abheekirisya bhoone bha Yeesu bhaariga nibheekofyanya aamwi mu‑rubhuga rwa Riyekaru mw‑Igaragariro rya Seremaani.

Barumi 15:6

Awo niwo emwe bhoone murikusya Nyamuwanga, Esemwene Raatabhugenyi weeswe Yeesu Kirisito, kwa obhwira bhumwi na kwa obhuraka bhumwi.

1 Bakorinto 16:8

Nawe woori enisigara mu‑musi gwa Yefeeso anu, okukingira orusuku rwa Pendekoosite rukinge.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 2:2

mukuumisye rikonderwa ryani kwa okuungwana abheene kwa abheene na okwendana abheene kwa abheene. Ka wone mubhe na obhumwi mu‑myoyo jeemwe na mubhe na obhukarariiye bhumwi.