Ebikorwa 19:9 - Indagano Inyaaya mu-Chijita

⁹ Nawe abhaanu abharebhe mu‑bheene nibhakora emyoyo jeebhwe okubha emikomeeye. Nibharema okwikirisya emisango ja Yeesu, nibhaamba okugaya Injira ya Yeesu imbere ya abhaanu. Kutyo, Pawuro ˆnaaramura okusigana nabho, ˆnaagega abheeyigisibhwa bhaaye, ˆnaagenda nabho mw‑isomero rya Tiraano, munu abhaanu bheekofyanyaga. Bhuri rusuku, aariga ˆnaaroma na abhaanu emisango ja Yeesu.

INDAGANO INYA:YA

⁹ Nawe abandi wejire baaŋanyara, nibaremo:kungwa, nibafuma Injira eyo imbere ye cise, nabaso:kako, na:ura abe:igisibwa, nasombo:raga kusiku mwisomero ryo mu:nu risi:na ryae Tirano.

Ebikorwa 19:9 ပူးပေါင်းရင်းမြစ်များ

Matayo 15:14

Mubhasige, abho ni bhatangasya abhawofu bhanu abhatangasya abhawofu! Araabha omuwofu akatangasya omuwofu oweejaabho, bhoone ku‑bhubhiri bhwebhwe bharigwa mu‑ryobho.”

Matayo 16:4

Emwe muri yimbo ebhiibhi, mutari bheeyikanyibhwa imbere ya Nyamuwanga. Omwenda echibharikisyo, nawe nitaribheeresya echibharikisyo choonechoone. Tari murirora echibharikisyo rwa chirya cha omuragi Yoona era.” Niwo Yeesu ˆneemuka okusooka awo, ˆnaabhasiga.

Matayo 26:55

Niwo Yeesu ˆnaabhwira abhaanu bha echise echo ati, “Angu, mwaja na jimbanda na jindungu okungwata wuti anye niri musaakusi? Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire!

Yowana 12:40

“Naawofufya ameeso geebhwe, na okukora emyoyo jeebhwe okubha emikomeeye, korereki bhaasiga okurora kwa ameeso geebhwe, na bhaasiga okusombookerwa kwa emyoyo, bhaasiga okunyindukira nimbachungura.”

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 14:4

Nawe abhaanu bha omusi ogwo, nibhaawukana makiju gabhiri. Rikiju rimwi niribha orubhaara rwa Abhayawudi abharebhe bhanu ꞉bhaaremere Yeesu, rikiju erindi niribha orubhaara rwa jitumwa.

Ebikorwa 17:4

Jinu Pawuro ꞉aayikire, Abhayawudi abharebhe nibhajiikirisya, aamwi na Abhayunaani abhaafu bhanu bhaaramyaga Nyamuwanga. Nibheekirisya noorwo abhagasi abhaafu bha echibharo. Abho bhoone nibharuubhana na Pawuro na Siira.

Ebikorwa 19:23

Omwanya ogwo Yefeeso awo, ꞉yaakorekeene injogere nyafu muno inguru ya abharuubhirisya bha Injira ya Yeesu.

Ebikorwa 19:30

Pawuro ˆnaakena eemereeguru agatigati ya abhaanu abho, nawe abheeyigisibhwa abheejaabho ꞉bhataamwikirisiisye.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 22:4

“Naanyaasyaga muno abharuubhirisya bha Injira ya Yeesu noorwo okubheeta. Naagwataga abharume na abhagasi na okubhatuura mw‑ibhoyero.

Ebikorwa 24:21

Tari ni inguru ya omusango gumwi era, gunu ꞉naamwayiiye inguru imbere yeebhwe ati, ‘Anye eniramurwa imbere yeemwe reero, kwa okubha eniikirisya ati abhafuuwe bharisuuruka.’”

Ebikorwa 28:22

Nawe eswe chaakeendere okuungwa jinu uri najo, kwa okubha chimenyere ati obhumwi bhwawo bhwa idiini obhwayikwa kubhiibhi bhuri rubhaara.”

Ebikorwa 7:51

Tefwano ˆnaagenderera okwayika ati, “Emwe abha emitwe emikomeeye! Mu‑myoyo jeemwe mutakuramya Nyamuwanga, na amatwi geemwe gatakutura okutegeresya omusango gwaye. Siku joone omurema Mwoyo Mweru, rwa kutyo bhasaaja weemwe wone ꞉bhaamuremere!

Ebikorwa 9:2

ˆnaamusabhwa ati, amuyaane jinyarubha ja okumumenyesya, agende najo mu‑nju ja ameekofyanyo ga Abhayawudi mu‑musi gwa Damaasiko. Jinyarubha ejo ni ja okumwikirisisya ati, akasoongʼana eyo abharuubhirisya bha Injira ya Yeesu, bhabhe abharume amwi abhagasi, abhabhoye na okubhareeta Yerusareemu.

Barumi 11:7

Kurwa ejo, emisango jiri kutya. Abhayisirayeeri ꞉bhaayenjere injira ya okubha abharengeresi imbere ya Nyamuwanga, nawe ꞉bhataayibhwene. Ni bhanu era ꞉bhaasorerwe na Nyamuwanga, nibho ꞉bhaabhubhwene. Abhandi bhoone bhanu ꞉bhaasigaaye, Nyamuwanga ˆnaabhakora bhabhe na emyoyo emikomeeye.

Barumi 9:18

Kurwa ejo, rwa kutyo Nyamuwanga keenda, kaafwira echigongo abhandi, na kaakora emyoyo ja abhandi okubha emikomeeye.

1 Bakorinto 16:9

Enikora kutyo, kwa okubha Nyamuwanga aanyigurira orwigi, korereki nikore emirimu myafu mu‑musi gunu, noorwo kutyo bhari‑wo abhaanu bhaafu bhanu abhanyingirira.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

2 Timoteo 3:5

Abhaanu abho anja abhabhonekana ati abheekara rwa kutyo Nyamuwanga keenda, nawe mu‑myoyo jeebhwe abheegaana amanaga ga Nyamuwanga ganu agatura okuyindura jitungwa jeebhwe. Ikenga na abhaanu bha jitungwa ja ejaabho ejo.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Baeburania 3:13

Nawe mukomeesyanyega emwe abheene kwa abheene bhuri rusuku runu echitoga ati “reero inu,” korereki aasiga okubha‑wo mw‑imwe omuunu woonewoone owa omwoyo omukomeeye ku‑songa ya okujigwa na ebhibhiibhi.

2 Petero 2:12

Abhaanu abho abhafuma emisango jinu bhatakusombookerwa. Abhasusana na jityanyi jinu jitari na obhwenge, kwa okubha, ejiibhurwa era, korereki jigwatwe na okwitwa! Bharisingaarisibhwa rwa kutyo ꞉bhaasingaarisiisye abhaanu abhandi.

2 Petero 2:2

Ka wone, abhaanu bhaafu bhariruubha jinjira jeebhwe ja orukubho. Ku‑songa ya abheeyigisya abho, injira ya echimari irifumwa.

Yuuda 1:10

Nawe abhaanu abho, abhafuma emisango jinu bhatakusombookerwa. Ka wone, emisango jinu bhasimukire bhajisombookeeywe rwa jityanyi jinu jitari na obhwenge, ejo nijo ejibhasingaarisya.