Ebikorwa 19:26 - Indagano Inyaaya mu-Chijita

²⁶ Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

INDAGANO INYA:YA

²⁶ Omurora ko:mungwa ati, tari mu Efeso era, nawe mu Asia yo:ne Paulo oyo akongyakongisye aba:nu ba:fu muno no kubacu:sya, na:ika ati, bamungu banu bakorerwe na maboko batari bamungu.

Ebikorwa 19:26 ပူးပေါင်းရင်းမြစ်များ

Ebikorwa 14:15

“Emwe abhaanu bhaasu, musige okukora kutyo! Eswe wone chiri abhaanu era rwa emwe! Chiri anu okubharaasisya Emisango ja Ekisi ati, musige okuramya amasambwa, muyindukire Nyamuwanga omuwanga! Omwene niwe ꞉aabhumbire orutumba, echaaro, inyanja, na bhyone bhinu bhiri‑mo.

Ebikorwa 17:29

“Eswe chiri abhaana bha Nyamuwanga. Kurwa ejo chiteeyire okwiganirisya ati Nyamuwanga kaasusana na risusano rinu rikonjerwe na inaaryo, amwi jiyera, amwi ribhuyi. Ebhyo bhyone ebhikorekana era ku‑bhuturo bhwa abhaanu.

Ebikorwa 18:19

Mu‑njira, bhejire bhaakinga mu‑musi gwa Yefeeso, Pawuro ˆnaasiga abheejaabho erya. Omwene ˆneengira mu‑nju ya eriikofyanyo, ˆnaayikana na Abhayawudi.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Ebikorwa 19:10

Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

Ebikorwa 19:25

Orusuku rumwi Demetiriiyo ˆnaakofya abharyo abheejaabho, aamwi na abhakosi abhandi bhanu bhaariga nibhakora emirimu ejo. ˆNaabhabhwira ati, “Emwe bhaanu bhaasu, omumenya kisikisi ati ribhona ryeswe eribhonekana ku‑mirimu jinu.

1 Bakorinto 12:2

Mumenyere ati omwanya gunu mwariga muri bhanyamanga, ꞉mwajigirwe na okutangasibhwa okuramya amasusano, noorwo kutyo amasusano gatari na obhuwanga!

1 Bakorinto 8:4

Woori inguru ya okurya ebhiryo bhinu bhisyengeeywe ku‑masusano, echimenya ati amasusano ganu agaramirisibhwa, gatari chiinu ku‑chaaro kunu. Ka wone echimenya ati ari‑wo Nyamuwanga umwi wenyere.

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Obhusweruro 9:20

Abhaanu bhanu ꞉bhataafuuwe ku‑tambara jinu ꞉jaabhwene abheejaabho, ꞉bhataataaye ebhibhiibhi bhyebhwe. ꞉Bhaagendereeye okuramirisya amasambwa na amasusano ga inaaryo, jipirya, isyabha, amabhuyi na jimbawu ganu ꞉bhaakonjere abheene. Amasusano ago gatakurora, gatakungwa, noorwo gatakuribhata.