Ebikorwa 19:21 - Indagano Inyaaya mu-Chijita

²¹ Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

INDAGANO INYA:YA

²¹ Ebyo byejire byawa, Paulo nakararira mu mwoyo gwae okutura mu Makedonia na mu Akaya, okugenda Yerusalemi, na:ika ati, Ariba namara okuja:yo, kunyiire okurora Rumi one.

Ebikorwa 19:21 ပူးပေါင်းရင်းမြစ်များ

Ebikorwa 16:12

Okusooka awo nichigenda Firiipi omusi omukuru gwa Makedooniya, anu bhaariga bheekaaye Abharuumi. Eswe wone, nichiikara mu‑musi ogwo kwa siku ndebhe.

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 19:22

꞉Aatumire abhasakisi bhaaye abhabhiri, Timoteewo na Erasito, bhagende Makedooniya, omwanya ogwo omwene ˆnaasigara Asiya awo.

Ebikorwa 19:29

Omusi gwone gwa Yefeeso nigwijura injogere. Abhaanu nibhagwata Gaayo na Arisitaariko, abhaanu bha Makedooniya bhanu bhaariga nibharibhata aamwi na Pawuro, nibheengira nabho bhwangu mu‑rubhuga rwa obhwenywa.

Ebikorwa 20:16

Okubha Pawuro aariga akarariiye ati chisige okutura Yefeeso, korereki aasiga okukoora mu‑mukoowa gwa Asiya omwo. Aariga ˆnaakena okukinga bhwangu Yerusareemu, ruchaari okukinga orusuku rwa Pendekoosite, araabha jikaturikeene.

Ebikorwa 20:22

“Woori, Mwoyo Mweru kaansinyiirisya ati, nigende Yerusareemu. Enigenda, nitakumenya jinu ejija okumbona eyo.

Ebikorwa 21:17

Chejire chaakinga Yerusareemu awo, abheekirisya abheejaasu bheenda‑wo nibhachikuma kwa risandabha.

Ebikorwa 21:4

Nichiyenja abheeyigisibhwa bheende‑wo, nichibhabhona nichiikara nabho awo siku etaanu na ebhiri. Abheeyigisibhwa abho nibhatangasibhwaga na Mwoyo Mweru nibheerembeeresya Pawuro ati asige okugenda Yerusareemu.

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 27:24

ˆnaambwira ati, ‘Pawuro awe, waasiga okuubhaya. Okubha ni bhusibhusi wimereeguru imbere ya Kayisaari. Ka wone, abhaanu bhanu muri aamwi nabho mu‑rugendo, Nyamuwanga kaja okubhawonʼya okutura ku‑bhwitiriranya bhwaye kw‑awe.’

Ebikorwa 28:16

Chejire chaakinga mu‑musi gwa Ruumi, Pawuro ꞉eekirisiibhwe okubha mu‑nju yaaye omwene na omusirikare wa okumwangarira.

Barumi 1:11

Enisabhwa kutyo, kwa okubha niri na obhwira muno bhwa okubhugana na emwe, korereki nirumatanye eriikirisya ryemwe kwa okubhayaana amabhando ga echinyamwoyo.

Barumi 1:13

Abhayiri bhaani, eneenda musombookerwe ati, kwiya kaafu naariga niikararira okubhakinga‑ko, nawe okukinga woori niyingiriiywe. Eneenda nibhaaje‑ko, korereki nikongye abhaanu mw‑imwe bharuubhe Raatabhugenyi Yeesu, rwa kutyo ꞉naakongiisye abhaanu abhandi bhanu bhatari Bhayawudi.

Barumi 1:15

Kurwa ejo, eniisigomba muno niije okuraasya Emisango ja Ekisi noorwo kw‑imwe Ruumi eyo.

1 Bakorinto 16:5

Niribhaaja‑ko eyo, omwanya gunu nirisooka mu‑mukoowa gwa Makedooniya, kwa okubha eneenda niture Makedooniya okwamba.

1 Bakorinto 4:19

Nawe Raatabhugenyi aakeenda, niribhaaja‑ko bhwangu. Awo niwo nirimenya araabha abhaanu bhanu abheekuuya abhaayika era amwi bhari na amanaga.

2 Bakorinto 10:16

Awo niwo echitura okuraasya Emisango ja Ekisi mu‑bhyaro ebhindi kura na emwe, enu omusango ogwo guchaariga okuraasibhwa‑mo. Kutyo, chitariikuuya inguru ya omurimu gunu gukorerwe na abhaanu abhandi mu‑mbaara ejindi.

Bagalatia 2:1

Jejire jaatura emiguuga ekumi na ena, nindiinya rindi okugenda Yerusareemu. Ningenda aamwi na Bharinaabha, ka wone, ningega Tiito nichigenda nage.

1 Batesalonika 1:7

Kurwa ejo, noorwo emwe mwabheeye echijekekanyo cha ekisi, ku‑bheekirisya bhoone bha mu‑mukoowa gwa Makedooniya na ogwa Akaaya.