Ebikorwa 19:10 - Indagano Inyaaya mu-Chijita

¹⁰ Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

INDAGANO INYA:YA

¹⁰ Akorere kutyo myaka ebiri. Na ba:nu bo:ne banu bariga be:kae mu Asia, Abayaudi na Bigiriki one, nibongwa omusango gwa Ratabugenyi.

Ebikorwa 19:10 ပူးပေါင်းရင်းမြစ်များ

Ebikorwa 13:12

Omwanya gunu omusiibha oyo ꞉aarorere echikorwa echo, ˆneekirisya Raatabhugenyi, ˆnaaruguurira muno ameeyigisyo ganu geeyigisibhwaga inguru ya Raatabhugenyi.

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 18:11

Kurwa ejo Pawuro, ˆnaamara omuguuga gumwi na esinja ari Koriito awo, ˆneeyigisyaga abhaanu omusango gwa Nyamuwanga.

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 19:20

Nikwo kutyo omusango gwa Raatabhugenyi gwaswiranaga na okubha na amanaga mu‑bhaanu.

Ebikorwa 19:22

꞉Aatumire abhasakisi bhaaye abhabhiri, Timoteewo na Erasito, bhagende Makedooniya, omwanya ogwo omwene ˆnaasigara Asiya awo.

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.

Ebikorwa 2:9

Agati yeeswe, bhari‑wo abhaanu okusooka mu‑bhyaro bhya Pariiti, Meedi na Eraamu. Bhari‑wo abhandi okusooka mu‑bhyaro bhya Mesopotaamiya, Yuudeya, Kapadookiya, Pooto, na Asiya,

Ebikorwa 20:18

Bhejire bhaamukinga‑ko, ˆnaabhabhwira ati, “Emwe abheene mumenyere kutyo ꞉neekaaye na emwe omwanya gwone, okusookerera orusuku rwa okwamba runu ꞉naakingire Asiya anu.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 6:9

Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 10:12

Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa.

Barumi 10:18

Mbe, araabha ni kutyo, siga nibhuusye ribhuusyo. Angu, Abhayisirayeeri bhachaariga okuungwa emisango ejo? Ni chimari ati ꞉bhaajuunguuwe, kwa okubha Ebhikaame Ebhyeru ebhyayika ati, “Jinu ꞉bhaayikire, ꞉jeetabhirisiibhwe mu‑chaaro choone, na emisango jeebhwe ꞉jaakingire mbaara joone ja echaaro.”

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

1 Petero 1:1

Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 1:4

Inyarubha inu, niikaamire anye Yowana. Enikaamira emwe abharuubhirisya bha Yeesu bha mu‑makanisa gataanu na gabhiri ganu gari mu‑chaaro cha Asiya Inooto. Enibhasabhirwa bhwitiriranya na omurembe okusooka ku‑Nyamuwanga unu ari‑wo, unu aariga ari‑wo na unu aribha‑wo, okusooka ku‑myoyo etaanu na ebhiri jinu jiri imbere ya echitebhe cha ingʼoma