Ebikorwa 18:6 - Indagano Inyaaya mu-Chijita

⁶ Abhayawudi abho nibhamurema na okumufuma muno, omwene ˆnaakubhura emyenda jaaye, kwa okurema emisango jeebhwe, ˆnaabhabhwira ati, “Isagama yeemwe ibhe inguru yeemwe abheene! Anye, nitari na esoro, naakuumisya jinu naariga ninkenwa okukora. Okwambira woori, enija okugenda ku‑bhaanu bhanu bhatari Bhayawudi.”

INDAGANO INYA:YA

⁶ Wejire baaŋanyara no kufuma, omwene naku:kumura jingubo jae, nababwira ati, Amanyinga gemwe gabe ku mitwe jemwe. Anye ndi mweru. Kuso:ka wori enigenda ku bamaanga.

Ebikorwa 18:6 ပူးပေါင်းရင်းမြစ်များ

Matayo 10:14

Araabha mukeengira mu‑nju yooneyoone amwi mu‑musi gwonegwone na abhaanu bheende‑mo nibharema okubhakuma, na okubhategeresya, mukasooka mu‑nju eyo, amwi mu‑musi ogwo, mukuukumure oruteeri rwa ku‑maguru geemwe.

Matayo 21:41

Nibhamusubhya ati, “Arisingaarisya kubhiibhi abhajabhi abho na risambu ryaye aririweekesya ku‑bharimi abhandi bhanu bharimuyaana ribhaara ryaye rya amatwasyo kwa omwanya.”

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Matayo 22:10

Abhakosi abho, nibhagenda nibheemereeguru ku‑njira eyo, nibhasubha bhakofiifye abhaanu bhoone bhanu bhaabhuganaga nabho, bhabhe abhajabhi amwi bha ekisi. Niwo abhagenyi nibheengira mu‑rubhuga rwa obhuregesi okukingira nirwijura.

Matayo 27:25

Abhaanu bhoone nibhamusubhya ati, “Echikayo cha okwitwa kwa Yeesu chibhe kw‑iswe na ku‑bhaana bheeswe!”

Matayo 8:11

Enibhabhwira ati, abhaanu bhaafu bhariija okusooka ebhuwuruka esuubha na ebhugwa esuubha, okwingira mu‑bhukama bhwa mu‑rwire. Bhariija okurya aamwi mu‑chikukuru irya na bhasaaja weeswe Bhurayimu, Isaaka na Yakobho.

Ruuka 22:65

Nibhagenderera okumufuma amafumo maafumaafu.

Ruuka 9:5

Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Ebikorwa 13:51

Kutyo, Pawuro na Bharinaabha nibheekuukumura oruteeri rwa ku‑maguru geebhwe, korereki okubhagaanya. Niwo nibheemuka, nibhaja mu‑musi gwa Yikoniya.

Ebikorwa 26:11

Omwanya omwafu, naaragiriraga ati, bhabhumwe mu‑nju joone ja ameekofyanyo, naabhasinyirisyaga bheefumirisye risiina rya Yeesu. Naabhasokaga muno, okukingira okubhayenja noorwo mu‑misi ja mu‑bhyaro ebhindi korereki nibhanyaasye.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Ebikorwa 28:28

ˆNaagenderera okwayika ati, “Mbe mumenye woori ati obhuchungusi bhunu bhusookere ku‑Nyamuwanga, obhusirwa ku‑bhaanu bhanu bhatari Bhayawudi. Abheene abhaja okugenderera okubhuramira!” [

Barumi 3:29

Angu, Nyamuwanga ni Nyamuwanga wa Abhayawudi era, amwi noorwo wa abhaanu bhanu bhatari Bhayawudi? Yee, Nyamuwanga ni Nyamuwanga wa abhaanu bhoone!

1 Timoteo 5:22

Waasiga okwiwuta okutuura omuunu ku‑mirimu ja Raatabhugenyi, kwa okubha ukatuura‑ko omuunu omubhiibhi ku‑mirimu ejo, awe wone owubha usangiiye ebhibhiibhi bhyaye. Wiyangarire omwene, korereki ugenderere okubha omweru.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

1 Petero 4:4

Abhaanu bhanu bhatakwikirisya Nyamuwanga, abharuguura omwanya gunu abharora ati, mutakusangira aamwi nabho rindi okukora ebhibhiibhi, kurwa ejo, abhabhafuma.