Ebikorwa 18:5 - Indagano Inyaaya mu-Chijita

⁵ Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

INDAGANO INYA:YA

⁵ Nawe Silasi na Timoteo wejire baso:ka Makedonia, nibasanga Paulo nanyakirira ecigambo, nababwira Abayaudi ati, Yesu niwe Kristo.

Ebikorwa 18:5 ပူးပေါင်းရင်းမြစ်များ

Ruuka 12:50

Noorwo anye omwene, niri na ebhinyaasyo bhinu neenderwe nibhiikirisye, na enija okugenderera okunyaaka mu‑mwoyo gwani, okukingira bhikuumire.

Ruuka 16:28

akengye abhamura bhaasu bhataanu, bheekenge na ebhibhiibhi. Akore kutyo, korereki abheene wone aribha bhaafwa bhaasiga okureetwa enu mu‑bhinyaasyo ebhiruru bhinu.’

Yowana 1:41

Awoawo Andereya ˆnaagenda okuyenja Simooni, omumura waabho. Ejire aamubhona, ˆnaamubhwira ati, “Eswe chaarora Masiya!” Obhugajuro bhwa omusango Masiya ni “Kirisito.”

Yowana 10:24

Abhayawudi abharebhe nibhamwiyinda, nibhamubhuusya ati, “Ni kurwa ki owuchinyaasya kutyo? Araabha awe naawe Kirisito, nuuchibhwire abhwerubhweru.”

Yowana 15:27

Noorwo emwe wone murisoosya obhubhambaasi inguru yaani, kwa okubha mwariga muri aamwi na anye okusookerera ku‑bhwambiro.

Yowana 3:28

Emwe abheene muri bhabhambaasi bhaani ku‑jinu ꞉naayikire ati, ‘Anye nitari Kirisito, nawe Nyamuwanga ꞉aantumire korereki nitangatire Kirisito.’

Ebikorwa 10:42

ˆNaachiragirira okwiyigisya abhaanu Emisango ja Ekisi, na okusoosya obhubhambaasi ati omwene niwe ꞉aasorerwe na Nyamuwanga, aramure bhoone, abhaanga na abhafuuwe.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Ebikorwa 16:12

Okusooka awo nichigenda Firiipi omusi omukuru gwa Makedooniya, anu bhaariga bheekaaye Abharuumi. Eswe wone, nichiikara mu‑musi ogwo kwa siku ndebhe.

Ebikorwa 16:9

Mu‑ngeta, Pawuro ˆnaarora ebhiroro. Mu‑bhiroro ebhyo, ꞉aarorere omuunu umwi wa mu‑mukoowa gwa Makedooniya eemereeguuyu, ˆnaamwirembeeresya, ˆnaayika ati, “Yaambuka, uuje Makedooniya enu, uchisakire.”

Ebikorwa 17:3

ˆnaabheeresyaga abhwerubhweru ati, Kirisito aariga akenerwe anyaasibhwe na okwitwa na ati ni bhusibhusi asuuruke okusooka mu‑bhafuuwe. Pawuro ˆnaagenderera okubhabhwira ati, “Kirisito unu enibhabhwira omusango gwaye, niwe Yeesu.”

Ebikorwa 18:28

Okubha Apooro, ꞉aayigire Abhayawudi abhwerubhweru, aabheeresyaga kwa Ebhikaame Ebhyeru ati Yeesu niwe Kirisito.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 20:23

Enimenya ati, bhuri musi gunu enitura, Mwoyo Mweru kaanyeeresya ati, enija okweswa mw‑ibhoyero na enija okubhona jinyaako.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

Ebikorwa 9:22

Nawe Saawuri ˆnaagenderera okubhona obhuturo na okuruguusya Abhayawudi bhanu bhaariga bheekaaye Damaasiko, ˆnaabhakomeeresyaga kwa okweresya Ebhikaame Ebhyeru ati, Yeesu niwe Kirisito.

2 Bakorinto 1:19

Enaayika kutyo, kwa okubha Yeesu Kirisito, Omwana wa Nyamuwanga, unu anye, Sirwano, na Timoteewo ꞉chaamuraasiisye kw‑imwe, aariga atari muunu wa okwayika ati, “Cha,” neeya ˆnaayika ati, “Wuri.” Tari ku‑mwene oyo, omwanya gwone ni ati, “Cha.”

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

Bafilipi 1:23

Eniiyiganywa na mbaara joone ebhiri. Eniigomba okusiga obhurame bhunu nigende okwikara aamwi na Kirisito, okubha nikwo kunkondeeye muno.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Batesalonika 3:6

Woori, Timoteewo aasubhire okusooka kw‑imwe, aachibhwira emisango ja ekisi inguru ya eriikirisya ryemwe na eryenda ryemwe. Ka wone aachibhwira ati, omuchiichuka muno bhuri rusuku, muri na obhwira muno mubhugane na eswe, rwa kutyo eswe wone chiri na obhwira bhwa okubhugana na emwe.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.