Ebikorwa 18:3 - Indagano Inyaaya mu-Chijita

³ kwa okubha Pawuro aakoraga emirimu ja okusona amayeema rwa abheene, ˆnaasigara eweebhwe awo na okukora emirimu aamwi nabho.

INDAGANO INYA:YA

³ Nabaga nabo nibakora omurimu, okuba omurimu gwebwe gwariga gumwi, okuba bariga baryo bo kubari:ra amaema.

Ebikorwa 18:3 ပူးပေါင်းရင်းမြစ်များ

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

1 Bakorinto 9:14

Ka wone Raatabhugenyi Yeesu aragiriiye kutyokutyo ati, bhanu abharaasya Emisango ja Ekisi, bhabhonega obhukene bhwebhwe okuruubhana na emirimu ejo.

1 Bakorinto 9:15

Nawe anye nichaariga okutonga noorwo echiinu chimwi ku‑bhinu niiyire okuyaanwa. Ka wone nitakukaama kutyo, korereki niyaanwe ebhyo. Kw‑anye ni akiri nifwe okukira okusakirwa ebhiinu okusooka kw‑imwe, kwa okubha nitakwenda omuunu woonewoone angaanye okwikuuya inguru ya okuraasya Emisango ja Ekisi, kwa okunaana ebhiinu.

1 Bakorinto 9:18

Woori echiyaanwa chaani niki? Echiyaanwa chaani nicho okuraasya Emisango ja Ekisi okuriywa wuri, okutonga wuri, chinu niiyire okuyaanwa inguru ya okuraasya Emisango ejo.

2 Bakorinto 11:7

꞉Neekeeyiisye ku‑njira ya okuraasya Emisango ja Ekisi ja Nyamuwanga kw‑imwe nitari na omuyeero, korereki nibhariinyagisye. Angu, ꞉naakorere echibhiibhi ku‑musango ogwo?

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 12:13

Gutari‑wo omusango gwonegwone gunu ꞉naakorere mu‑makanisa agandi, gunu nitakorere kw‑imwe. ꞉Naataamiibhwe okukora omusango gumwi era, anye nitaabheeye omugugu kw‑imwe. Araabha obhwo nibhwo obhubhiibhi bhwani, munfwire echigongo!

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Batesalonika 4:11

Mwikomeesye okubha na omurembe mu‑myoyo jeemwe. Bhuri muunu agenderere na jifurubhendo jaaye, ka wone akore emirimu jaaye omwene, rwa kutyo ꞉chaabharagiriiye ku‑bhwambiro.