Ebikorwa 18:25 - Indagano Inyaaya mu-Chijita

²⁵ Omuunu oyo aariga eeyigisiibhwe injira ya Raatabhugenyi, na aariga ˆnaayiririrwa mu‑mwoyo gwaye, ˆneeyigisyaga na okwayika abhwerubhweru inguru ya Yeesu. Noorwo kutyo aariga amenyere inguru ya obhubhatiijo bhwa Yowana era.

INDAGANO INYA:YA

²⁵ Oyo ariga e:igisibwe injira ya Ratabugenyi, ka ariga mubira mu mwoyo, na:ika no kwiigisya kisiki:si ebya Yesu, nawe ariga amenyere:ra okubatija kwa Yoana.

Ebikorwa 18:25 ပူးပေါင်းရင်းမြစ်များ

Mariko 1:3

Itumwa eyo niwe aryamura obhuraka mw‑ibhara ati, ‘Muchumachumire Raatabhugenyi injira, mwimye anu kaja okutura!’”

Mariko 12:14

Bhejire bhaakinga nibhamubhwira ati, “Awe Omwiyigisya, chimenyere ati awe uri muunu wa echimari, na joone jinu owaayika ni ja echimari. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari. Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri? Chitobhe amwi chisige okutobha?”

Ruuka 1:4

korereki ubhone echimari ku‑jinu ꞉oonguuwe.

Ruuka 7:29

Mbe, abhaanu abho bhoone, aamwi na abhatobhesya bha rigooti, bhejire bhoongwa emisango ejo, nibheekirisya ati obhutinge bhwa Nyamuwanga ku‑bheene bhwariga bhuri bhwa ekisi. Abhaanu abho nibho bhanu Yowana Omubhatiija ꞉aabhatiijiisye.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

Ebikorwa 18:26

Apooro ꞉aambire okusimura kwa ribhaasi nene mu‑nju ya eriikofyanyo rya Abhayawudi. Mbe Pirisiira na Akiira, bhejire bhaamutegeresya nibhamukuma iika eweebhwe, nibhamusomboorera emisango ja injira ya Nyamuwanga jinu aariga achaari okuungwa.

Ebikorwa 19:23

Omwanya ogwo Yefeeso awo, ꞉yaakorekeene injogere nyafu muno inguru ya abharuubhirisya bha Injira ya Yeesu.

Ebikorwa 19:3

ˆNaabhabhuusya ati, “Mbe, araabha nikwo kutyo, ꞉mwabhatiijiibhwe obhubhatiijo ki?” Nibhamusubhya ati, “꞉Chaabhatiijiibhwe obhabhatiijo bhwa Yowana.”

Ebikorwa 19:9

Nawe abhaanu abharebhe mu‑bheene nibhakora emyoyo jeebhwe okubha emikomeeye. Nibharema okwikirisya emisango ja Yeesu, nibhaamba okugaya Injira ya Yeesu imbere ya abhaanu. Kutyo, Pawuro ˆnaaramura okusigana nabho, ˆnaagega abheeyigisibhwa bhaaye, ˆnaagenda nabho mw‑isomero rya Tiraano, munu abhaanu bheekofyanyaga. Bhuri rusuku, aariga ˆnaaroma na abhaanu emisango ja Yeesu.

Ebikorwa 9:2

ˆnaamusabhwa ati, amuyaane jinyarubha ja okumumenyesya, agende najo mu‑nju ja ameekofyanyo ga Abhayawudi mu‑musi gwa Damaasiko. Jinyarubha ejo ni ja okumwikirisisya ati, akasoongʼana eyo abharuubhirisya bha Injira ya Yeesu, bhabhe abharume amwi abhagasi, abhabhoye na okubhareeta Yerusareemu.

Barumi 12:11

Mwasiga okurengaara mu‑kukora emirimu ja Nyamuwanga, tari Mwoyo Mweru abhasakire okugenderera okujikora kwa omwoyo gwone. Mukorere emirimu Raatabhugenyi Yeesu.

2 Timoteo 2:4

Omusirikare woonewoone unu kaakora emirimu ja echisirikare, keeyingirira okukora emirimu ejindi jinu jitari ja echisirikare. Kaakora kutyo korereki akondisye omukuru waaye era.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.