Ebikorwa 18:23 - Indagano Inyaaya mu-Chijita

²³ Ejire aamara siku nooto, ˆnaasooka‑wo, ˆnaatura mu‑mukoowa gwa Garaatiya na mu‑mukoowa gwa Furiigiya, ˆnaaribhatiraga na okukomeesya abheeyigisibhwa bhoone bha Kirisito.

INDAGANO INYA:YA

²³ Ejire amarayo jisiku nyafuo, naso:kayo, natura mu Galatia na mu Furugia, nabakome:sya abe:igisibwa bo:ne.

Ebikorwa 18:23 ပူးပေါင်းရင်းမြစ်များ

Ruuka 1:3

Anye wone ꞉neeyenjeye kisi kutyo ꞉jaakorekeene okusookerera ku‑bhwambiro, nindora ati nikukaamire emisango ejo, kwa obhwisombooro bhwa ekisi,

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Ruuka 22:43

Awoawo, maraayika okusooka mu‑rwire ˆnaamusoromokera, ˆnaamukomeesya.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 15:32

Yuuda oyo aamwi na Siira, bhoone bhaariga bhari abharagi. Mbe, nibhabhwira abheekirisya abheejaabho abho, emisango myafu ja okubhasimbiisya na okubhakomeesya.

Ebikorwa 15:41

Nibhaja mu‑mikoowa ja Siiriya na Kiriikiya, nibhakomeesyaga abheekirisya.

Ebikorwa 16:40

Pawuro na Siira, bhejire bhaasooka mw‑ibhoyero, nibhagenda iika ewa Riidiya. Awo ꞉bhaabhugeene na abheekirisya, nibhabhasimbiisya, niwo nibhasooka mu‑musi ogwo.

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Ebikorwa 2:10

Furiigiya, Pamufiriya na Miisiri. Bhari‑wo abhandi okusooka mbaara ja echaaro cha Riibhiya chinu chiri yeeyi na omusi gwa Kureene. Abhandi ni bhagenyi bhanu ꞉bhaasookere mu‑musi gwa Ruumi, Abhayawudi bha obhusimukwa na abhandi bhanu ꞉bheekirisiisye idiini ya Echiyawudi.

1 Bakorinto 16:1

Woori enija okwayika inguru ya obhusoroosya bhwa okusakira abheekirisya bha mu‑musi gwa Yerusareemu. Emwe wone mukore rwa kutyo ꞉naabhwiriiye abhaanu bha mu‑makanisa ga mu‑mukoowa gwa Garaatiya.

Bagalatia 1:2

Anye na abhayiri bhoone bhanu bhari aamwi na anye anu, echibhakeesya emwe bhanu muri mu‑makanisa ga Nyamuwanga mu‑mukoowa gwa Garaatiya.

Bagalatia 1:9

Enibhabhwira rindi, rwa kutyo ꞉naabhabhwiriiye omwanya gurya ati, araabha omuunu akabharaasisya emisango ejindi jinu jitaasyanyiisye na jinu ꞉naabharaasisiisye, Nyamuwanga eeyiime omuunu oyo!

Bagalatia 4:14

Noorwo kutyo ꞉mwaregeejerwe okungaya na okundema ku‑songa ya obhurwaye bhwani, ꞉mutaakorere kutyo. Nawe omusango gunu ꞉mwakorere ni kunnyikirisya rwa kutyo mukeekirisiisye maraayika wa Nyamuwanga, amwi okwikirisya Kirisito Yeesu omwene.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Batesalonika 4:18

Kurwa ejo, mugenderere okusimbiisyanya abheene kwa abheene kwa emisango ejo.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.