Ebikorwa 18:2 - Indagano Inyaaya mu-Chijita

² Awo ˆnaabhugana na Omuyawudi, risiina ryaye aatogwaga Akiira, omwibhurwa wa mu‑mukoowa gwa Pooto. Akiira oyo aamwi na omugasi waaye Pirisiira, bhaariga bhasookere mu‑musi gwa Ruumi mu‑chaaro cha Yitaariya, kwa okubha Kayisaari Kirawudiyo aariga aragiriiye Abhayawudi bhoone bhabhirimibhwe mu‑musi ogwo. Pawuro ˆnaagenda okubharora,

INDAGANO INYA:YA

² Nabona Omuyaudi risi:na ryae Akula, unu e:buriywe Ponto, unu aso:kere mu Italia mu siku ijo, aamwi no mugasi wae Pirisika, okuba Kulaudio ariga aragiriye Abayaudi bo:ne baso:ke mu Rumi. Paulo nasikirira ewebwe.

Ebikorwa 18:2 ပူးပေါင်းရင်းမြစ်များ

Ebikorwa 11:28

Owumwi weebhwe, risiina ryaye aatogwaga Agabho, ˆneemereeguru mw‑isangi, ˆnaasoosya obhuragi kwa obhuturo bhwa Mwoyo Mweru ati, omweko omururu oguuja okuswirana ku‑chaaro choone. Chimari rwa kutyo ꞉aayikire, omweko ogwo ꞉gwabheeye‑wo ku‑mwanya gwa obhutungi bhwa Kirawudiyo unu aariga ari Kayisaari.

Ebikorwa 18:18

Pawuro ejire aabha Koriito kwa omwanya, ˆnaaragana na abheekirisya abheejaabho, ˆnaagenda mu‑musi gwa Keekereya, ˆnaamwega jifwiri jaaye kwa okubha aariga ateeye‑wo echirayiro. Neeya Pawuro, Pirisiira na Akiira, nibhatura mu‑nyanja bhari mu‑ngarabha nibhagendaga mu‑mukoowa gwa Siiriya.

Ebikorwa 18:26

Apooro ꞉aambire okusimura kwa ribhaasi nene mu‑nju ya eriikofyanyo rya Abhayawudi. Mbe Pirisiira na Akiira, bhejire bhaamutegeresya nibhamukuma iika eweebhwe, nibhamusomboorera emisango ja injira ya Nyamuwanga jinu aariga achaari okuungwa.

Ebikorwa 2:9

Agati yeeswe, bhari‑wo abhaanu okusooka mu‑bhyaro bhya Pariiti, Meedi na Eraamu. Bhari‑wo abhandi okusooka mu‑bhyaro bhya Mesopotaamiya, Yuudeya, Kapadookiya, Pooto, na Asiya,

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 27:6

Omwangarisi wa abhasirikare, ˆnaasongʼana awo ingarabha ya mu‑musi gwa Arekijandiriya inu yaariga niigenda mu‑chaaro cha Yitaariya, ˆnaachiriinyya omwo.

1 Bakorinto 16:19

Abhaanu bha mu‑makanisa ga mu‑mukoowa gwa Asiya, abhabhakeesya. Akiira na omugasi waaye Pirisika, aamwi na abheekirisya bhanu abheekumanya mu‑nju yeebhwe, abhabhakeesya muno mu‑kubha na obhumwi na Raatabhugenyi Yeesu.

2 Timoteo 4:19

Nuukeesye Akiira na omugasi waaye Pirisika na bhanu bhari iika wa Onesifooro.

Baeburania 13:24

Mukeesye abhatangasya bheemwe bhoone na abheekirisya bhoone bhanu bhari eyo. Abheekirisya okusooka mu‑chaaro cha Yitaariya abhabhakeesya.

1 Petero 1:1

Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.