Ebikorwa 18:15 - Indagano Inyaaya mu-Chijita

¹⁵ Nawe kwa okubha ni inguru ya emisango, amasiina na ebhiraagiro bhyemwe, mujimare emwe abheene. Naarema okubha omuramusi wa emisango ejo.”

INDAGANO INYA:YA

¹⁵ Nawe araba jikaba jimamba je bigambo na masi:na ne biragiro byemwe, mubirore emwe abene. Anye nitakwenda kuba muramusi wa bigambo ebyo.

Ebikorwa 18:15 ပူးပေါင်းရင်းမြစ်များ

Matayo 27:24

Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!”

Matayo 27:4

Nawe abheene nibhaayika ati, “Ejo jitakuchisaasa, naawe omwene eyo.”

Yowana 18:31

Piraato ˆnaabhabhwira ati, “Mbe mumugege mugende okumuramura emwe abheene okuruubhana na ebhiraagiro bhyemwe.” Nawe Abhayawudi nibhamusubhya ati, “Chitari na obhuturo bhwa okuramura omuunu woonewoone ati afwe.”

Ebikorwa 18:13

Nibhamusitaaka nibhaayikaga ati, “Omuunu unu kaakongya abhaanu bharamye Nyamuwanga ku‑njira inu itakwikirisibhwa na ebhiraagiro bhya Muusa.”

Ebikorwa 23:29

Niwo ninsombookerwa ati, aariga ˆnaasitaakibhwa kwa emisango ja ebhiraagiro bhya idiini yeebhwe ya Echiyawudi. ꞉Ataasitaakiibhwe kwa omusango gwonegwone gunu gwiyire eetwe amwi okubhoywa.

Ebikorwa 25:11

Araabha nikorere echikayo chinu chiiyire okwitwa, nitakutura okurema okwitwa. Nawe araabha emisango jinu Abhayawudi bhanu abhansitaakira jitari ja echimari, atari‑wo woonewoone unu ari na obhuturo bhwa echiraagiro bhwa okuntuura mu‑mabhoko geebhwe. Anye enikena echiina chaani chiramurwe na Kayisaari!”

Ebikorwa 25:19

Tari bhaariga nibhabhambasyanya nage inguru ya amabhuusyo ga idiini yeebhwe era na inguru ya omuunu umwi unu ꞉aafuuwe, risiina ryaye aatogwaga Yeesu. Nawe Pawuro kaayika ati omuunu oyo ni muwanga.

Ebikorwa 26:3

Enaayika kutyo, kwa okubha awe umenyere kisikisi jitungwa na jimamba joone ja Abhayawudi. Kurwa ejo, enikwirembeeresya untegeresye kwa obhwigumiirisya.

1 Timoteo 1:4

Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.

1 Timoteo 6:4

Abho bheejuuywe orwikuuya, ka wone bhatakusombookerwa echiinu choonechoone. Abhaanu abho bhoomiriiye jimamba keenu jitari na omuriiro gwonegwone inguru ya emisango emitoototooto. Mu‑misango ejo nimwo orusooka orwiso, inyombo, amafumo na obhwiganirisya obhubhiibhi,

2 Timoteo 2:23

Nawe wiikenge na jimamba ja echitaamutaamu, kwa okubha jitari‑mo omuriiro na owumenya ati ejo ejiibhura inyombo.

Tiito 3:9

Nawe, wiikenge jimamba ja obhutaamutaamu, emiroobho ja amasiina ga bhasaaja, inyombo na riremo inguru ya ebhiraagiro bhya Muusa. Mu‑misango ejo joone gutari‑mo omuriiro gwonegwone.