Ebikorwa 18:12 - Indagano Inyaaya mu-Chijita

¹² Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

INDAGANO INYA:YA

¹² Nawe Galio anu ariga:ri musi:ba wa Akaya, Abayaudi nibamwimukira Paulo na mwoyo gumwi, nibamurega imbere ye citebe co kuramurira.

Ebikorwa 18:12 ပူးပေါင်းရင်းမြစ်များ

Matayo 27:19

Bhunu Piraato aariga eenyanjire ku‑chitebhe chaaye cha indamu, omugasi waaye ˆnaamutumira omusango ati, “Waasiga okukorera omuunu oyo echibhiibhi choonechoone kwa okubha atari na echikayo. Naanyaaka muno mu‑ngeta mu‑chirooto inguru yaaye.”

Yowana 19:13

Piraato ejire oongwa emisango ejo, ˆnaawurusya Yeesu anja. Piraato omwene ˆnaagenda okwinyanja ku‑chitebhe cha indamu, anu bhaabhirikiraga ati, Omwariro gwa Amabhuyi. Mu‑Chiyebhuraniya kaabhirikirwa ati, Gabhata.

Ebikorwa 13:12

Omwanya gunu omusiibha oyo ꞉aarorere echikorwa echo, ˆneekirisya Raatabhugenyi, ˆnaaruguurira muno ameeyigisyo ganu geeyigisibhwaga inguru ya Raatabhugenyi.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 13:7

Omuunu unu aariga ari musakisi wa omusiibha Serugiyo Pawuro, omuunu wa obhwengeeso muno. Omusiibha oyo, ˆnaabhirikira Bharinaabha na Saawuri bhagende ewaaye, ꞉aakenere okutegeresya omusango gwa Nyamuwanga okusooka ku‑bheene.

Ebikorwa 13:8

Nawe Erima, owa amawufyo oyo, obhwo nibhwo obhugajuro bhwa risiina ryaye, aariga ˆnaayaajana muno na Bharinaabha na Saawuri, enu ˆnaaregeejaga okukongya omusiibha oyo aasiga okwikirisya Yeesu.

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Ebikorwa 17:5

Nawe ejo nijikora Abhayawudi bharebhe okubhona orwiso. Nibhagenda mw‑iguriro, nibhabhona abhaanu abharangirangi. Abhaanu abho, nibheekumanya awo, nibhaamba okukora injogere nyafu mu‑musi ogwo. Nibhagenda mu‑nju ya Yasooni, nibharondaga Pawuro na Siira, korereki bhabhareete ku‑chise echo.

Ebikorwa 18:11

Kurwa ejo Pawuro, ˆnaamara omuguuga gumwi na esinja ari Koriito awo, ˆneeyigisyaga abhaanu omusango gwa Nyamuwanga.

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 25:10

Pawuro ˆnaamusubhya ati, “Anye enimereeguru imbere ya echitebhe cha indamu chinu chiteeywe‑wo na Kayisaari, na niwo anuanu niiyire niramurwe. Awe omwene umenyere ati, gutari‑wo omusango gunu nikayire ku‑Bhayawudi.

Barumi 15:26

Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya.

Barumi 16:5

Mukeesye omwendwa waani Payineeto. Omwene niwe wa okwamba okwikirisya Kirisito mu‑mukoowa gwa Asiya.

1 Bakorinto 16:15

Abhayiri bhaani mu‑riikirisya, mumenyere ati Sitefwana aamwi na abhaanu bha iika ewaaye, nibho bhaariga bhari bha okwamba okwikirisya Yeesu Kirisito mu‑mukoowa gwa Akaaya, bheesoosya wone okusakira abheekirisya. Kutyo, enibheerembeeresya,

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

2 Bakorinto 11:10

Rwa kutyo echimari cha Kirisito chiri mu‑mwoyo gwani, atari‑wo omuunu noorwo umwi mu‑mukoowa gwone gwa Akaaya, unu kaatura okunyingirira okwikuuya inguru ya emisango ejo.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

1 Batesalonika 2:14

Abhayiri bheeswe, emisango jinu ꞉jaabhwene abhaanu bhanu ꞉bheekirisiisye Kirisito Yeesu, mu‑makanisa ga Nyamuwanga mu‑mukoowa gwa Yuudeya, nijo jibhabhwene emwe wone. Abhaanu bheemwe ꞉bhaabhanyaasiisye emwe, rwa abheene kutyo bhaanyaasiibhwe na Abhayawudi bheejaabho.

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

Yakobo 2:6

Nawe, emwe omugaya muno abhataka! Itari ati abhaniibhi abho, nibho abhabhegatiirisya na okubhakurura okubhasira mw‑iramuriro ku‑bharamusi?