Ebikorwa 17:4 - Indagano Inyaaya mu-Chijita

⁴ Jinu Pawuro ꞉aayikire, Abhayawudi abharebhe nibhajiikirisya, aamwi na Abhayunaani abhaafu bhanu bhaaramyaga Nyamuwanga. Nibheekirisya noorwo abhagasi abhaafu bha echibharo. Abho bhoone nibharuubhana na Pawuro na Siira.

INDAGANO INYA:YA

⁴ Abandi mwabo nibe:kirisya nibagwatirirana na Paulo na Silasi aamwi na Bagiriki ba:fu banu baramyaga Nyamuanga na bagasi be cibaro one bariga ba:fu.

Ebikorwa 17:4 ပူးပေါင်းရင်းမြစ်များ

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

Ebikorwa 13:43

Omwanya gunu abhaanu abho ꞉bhaanyarambukire, Abhayawudi bhaafu, aamwi na abhaanu abhandi bhanu ꞉bhaagwateene na Abhayawudi bhanu bhaaramyaga Nyamuwanga, nibharuubha Pawuro na Bharinaabha. Abheene wone nibhasimura na abhaanu abho nibhabhakomeeresyaga ati, bhagenderere okwiyikanya obhwitiriranya bhwa Nyamuwanga.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 14:1

Yikoniya eyo Pawuro na Bharinaabha, nibheengira mu‑nju ya eriikofyanyo rya Abhayawudi, rwa kutyo jitungwa jeebhwe jaariga jiri. Nibheeyigisya abhaanu omwo kwa ribhaasi inguru ya Yeesu, Abhayawudi abhaafu muno aamwi na Abhayunaani abhaafu, nibheekirisya Yeesu.

Ebikorwa 14:4

Nawe abhaanu bha omusi ogwo, nibhaawukana makiju gabhiri. Rikiju rimwi niribha orubhaara rwa Abhayawudi abharebhe bhanu ꞉bhaaremere Yeesu, rikiju erindi niribha orubhaara rwa jitumwa.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:27

Kutyo abhaanu bhanu echituma kw‑imwe ni Yuuda na Siira. Abheene nibho bharyayika kwa eminwa jeebhwe emisango jinu chaabhakaamira.

Ebikorwa 15:32

Yuuda oyo aamwi na Siira, bhoone bhaariga bhari abharagi. Mbe, nibhabhwira abheekirisya abheejaabho abho, emisango myafu ja okubhasimbiisya na okubhakomeesya.

Ebikorwa 15:40

Pawuro ˆnaawura Siira, abheekirisya abheejaabho nibhabhasabhirwa bhabhe na obhwitiriranya bhwa Raatabhugenyi, niwo nibheemuka awo.

Ebikorwa 16:3

Pawuro ˆneenda abhega ˆnaaruubhana nage mu‑rugendo rwaye, kutyo ˆnaamutenda rwa Abhayawudi. Okubha Abhayawudi bhoone bheende‑yo bhaariga bhamenyere ati esemwene Timoteewo aariga ari Muyunaani bhanu bhatakutenda.

Ebikorwa 17:10

Omwanya gwa mu‑ngeta irya, abheekirisya nibhasira bhwangwe Pawuro na Siira mu‑musi gwa Bherooya. Bhejire bhaakinga eyo, nibheengira mu‑nju ya eriikofyanyo rya Abhayawudi.

Ebikorwa 17:12

Abhayawudi bhaafu agati yeebhwe nibheekirisya Yeesu, aamwi na Abhayunaani, abhagasi bha ebhibharo na abharume wone.

Ebikorwa 17:14

Awo abheekirisya abheejaabho nibhagega Pawuro, nibhamusira ku‑njekekera ya inyanja. Nawe Siira na Timoteewo abheene nibhasigara Bherooya awo.

Ebikorwa 17:17

Kurwa ejo eengiraga mu‑nju ya eriikofyanyo rya Abhayawudi, ˆnaayikanaga na Abhayawudi aamwi na abhandi bhanu bhaaramyaga Nyamuwanga, inguru ya Emisango ja Ekisi ja Yeesu. Wone aaraasyaga ku‑bhaanu bhoone bhanu aariga ˆnaasongʼana mw‑iguriro bhuri rusuku.

Ebikorwa 17:34

Abhaanu bharebhe nibheekirisya Yeesu, nibhabha orubhaara rwa Pawuro. Agati yeebhwe aariga ari‑wo Diyoniisiyo, owumwi wa riromero rikuru rya Arewopaago, na omugasi umwi, risiina ryaye ni Damaari, aamwi na abhaanu abhandi.

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 19:10

Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

Ebikorwa 2:44

Abheekirisya bhoone bhaariga bhari na obhumwi, bhaariga nibhasangira ebhiinu bhyone.

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Ebikorwa 28:24

Abhayawudi abharebhe nibheekirisya emisango jaaye nawe abhandi nibhajirema.

Ebikorwa 4:23

Peetero na Yowana bhejire bheegurirwa, nibhasubha ku‑bheekirisya abheejaabho. Nibhasimura emisango joone jinu bhaabhwirwa na abhakuru bha abhagabhisi na abhakuru bha Abhayawudi.

2 Bakorinto 8:5

꞉Bhaakorere kutyo okukira kutyo chaariga nichiiyikanya. ꞉Bheesoosiisye okwamba ku‑Raatabhugenyi, ka wone nibheesoosya kw‑iswe, rwa kutyo Nyamuwanga keenda.