Ebikorwa 17:24 - Indagano Inyaaya mu-Chijita

²⁴ “Nyamuwanga ni Raatabhugenyi wa orwire na owa echaaro, niwe ꞉aabhumbire echaaro na bhyone bhinu bhiri‑mo. Omwene atakwikara mu‑mayekaru ganu goombakirwe na amabhoko ga abhaanu.

INDAGANO INYA:YA

²⁴ Nyamuanga unu akorere i:si na binu birimo byone, niwe Omukuru wo rwire na i:si, atakwikara mu yekaru jinu jumbakirwe na maboko.

Ebikorwa 17:24 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 5:34

Nawe anye enibhabhwira ati, mwasiga okurayira chimwi noorwo ku‑rwire, kwa okubha eyo niyo chiri echitebhe cha ingʼoma cha Nyamuwanga.

Ruuka 10:21

Omwanya ogwoogwo, Yeesu ˆnaakondererwa muno ku‑bhuturo bhwa Mwoyo Mweru. ˆNaayika ati, “Raata awe, Raatabhugenyi wa orwire na echaaro choone! Enikusiima kwa okubha, emisango jinu, ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. Yee Raata, nikwo kutyo jaakukondera.”

Yowana 1:1

Ku‑bhwambiro awo, aariga ari‑wo Musango. Musango oyo aariga ari aamwi na Nyamuwanga. Ka wone, Musango aariga ari Nyamuwanga.

Ebikorwa 14:15

“Emwe abhaanu bhaasu, musige okukora kutyo! Eswe wone chiri abhaanu era rwa emwe! Chiri anu okubharaasisya Emisango ja Ekisi ati, musige okuramya amasambwa, muyindukire Nyamuwanga omuwanga! Omwene niwe ꞉aabhumbire orutumba, echaaro, inyanja, na bhyone bhinu bhiri‑mo.

Ebikorwa 4:24

Bhejire bhoongwa emisango ejo, bhoone nibhaamura obhuraka okusabhwa Nyamuwanga ati, “Raatabhugenyi awe, Nyamuwanga owa obhuturo bhwone. Awe ꞉waabhumbire orutumba, echaaro, inyanja, na bhyone bhinu bhiri‑mo.

Ebikorwa 7:48

“Noorwo kutyo, Nyamuwanga unu ari Inguru ya Bhyone ni mukuru, atakwikara mu‑nju jinu ejuumbakwa na amabhoko ga abhaanu. Rwa kutyo omuragi ꞉aayikire ati,

Barumi 1:19

nawe jitari ati bhatakumenya emisango ja Nyamuwanga. Nyamuwanga omwene ꞉aabheeresiisye abhwerubhweru emisango jaaye, kurwa ejo, ejimenyekana ku‑bhaanu.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Baeburania 3:4

Okubha bhuri inju eyumbakwa na omuumbaki omurebhe, nawe Nyamuwanga niwe Omuumbaki Omukuru wa ebhiinu bhyone.

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.