Ebikorwa 17:23 - Indagano Inyaaya mu-Chijita

²³ Okubha bhunu naagosoraga mu‑musi gunu, ꞉naarorere bhinu omuramya. ꞉Naarorere ku‑chigabhiro mukaamire‑ko ati, kw‑isambwa rinu ritakumenyekana. Nyamuwanga unu omuramya okumumenya wuri, niwe unu niijire okubhamenyesya.

INDAGANO INYA:YA

²³ Okuba anu ngwetura, nindora binu omuramya, ninsanga ecisyengerero cinu candikirweko ati, ku nyamuanga unu atakumenywa. Mbe oyo omuramya mutamumenyere, oyo niwe enibasimurira.

Ebikorwa 17:23 ပူးပေါင်းရင်းမြစ်များ

Matayo 15:9

Abhandamya kutyo era, kwa okubha emisango jinu abheeyigisya ni maragiriro ga abhaanu era.’”

Yowana 17:25

Raata omurengeresi, abhaanu bha ku‑chaaro kunu bhatakukumenya. Nawe anye nikumenyere, ka wone abheeyigisibhwa bhaani abhamenya ati naawe ꞉waantumire.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 4:22

Emwe Abhasamaariya omuramya Nyamuwanga unu mutakumenya. Nawe eswe Abhayawudi echiramya Nyamuwanga unu chimenyere, kwa okubha Nyamuwanga arichungura abhaanu okutura ku‑Bhayawudi.

Yowana 8:54

Yeesu ˆnaabhasubhya ati, “Araabha eniikumangya anye omwene, okwikumangya kwani kutari na obhugajuro bhwonebhwone. Nawe Raata waani, unu emwe omwayika ati ni Nyamuwanga weemwe, niwe kaankumangya.

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 8:5

Ni chimari ati abhaanu abhandi abheetogera ati gari‑wo amasambwa mu‑rwire na noorwo mu‑chaaro. Chimari, bhiri‑wo ebhiinu bhyafu bhinu abhaanu abhabhirikira ati amasambwa amwi abhatungi.

Baefeso 2:12

Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

2 Batesalonika 2:4

Nawe ku‑bhwambiro ariigaana abhwerubhweru, bhuri chiinu chinu abhaanu abhatoga ati ni Nyamuwanga, noorwo bhuri chiinu chinu abharamya. Omwene ariituura inguru ya ebhyo bhyone. Ka wone, ariingira na okwinyanja mw‑Iyekaru rya Nyamuwanga na okwikora wuti omwene niwe Nyamuwanga.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.