Ebikorwa 17:14 - Indagano Inyaaya mu-Chijita

¹⁴ Awo abheekirisya abheejaabho nibhagega Pawuro, nibhamusira ku‑njekekera ya inyanja. Nawe Siira na Timoteewo abheene nibhasigara Bherooya awo.

INDAGANO INYA:YA

¹⁴ Aonao aba:su nibaeregesya Paulo kukinga ku mwaro, nawe Silasi na Timoteo nibasigarayo.

Ebikorwa 17:14 ပူးပေါင်းရင်းမြစ်များ

Matayo 10:23

Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Ebikorwa 17:10

Omwanya gwa mu‑ngeta irya, abheekirisya nibhasira bhwangwe Pawuro na Siira mu‑musi gwa Bherooya. Bhejire bhaakinga eyo, nibheengira mu‑nju ya eriikofyanyo rya Abhayawudi.

Ebikorwa 17:15

Abheekirisya bhanu ꞉bhaayeregesiisye Pawuro, ꞉bhaamukingiisye mu‑musi gwa Ateene. Bhunu bhaasubhaga, Pawuro ˆnaabharagirira ati bhabhwire Timoteewo na Siira ati bhamujee‑ko bhwangu.

Ebikorwa 17:4

Jinu Pawuro ꞉aayikire, Abhayawudi abharebhe nibhajiikirisya, aamwi na Abhayunaani abhaafu bhanu bhaaramyaga Nyamuwanga. Nibheekirisya noorwo abhagasi abhaafu bha echibharo. Abho bhoone nibharuubhana na Pawuro na Siira.

Ebikorwa 17:6

Bhejire bhaabhurwa, nibhagega Yasooni omwene aamwi na abheekirisya abharebhe. Nibhabhasira imbere ya abhakuru bha omusi, nibhamwayiraga inguru ati, “Abhaanu bhanu nibho bhaariga nibhakora injogere nyafu mu‑bhyaro bhyafu, nibho bhakingire mu‑musi gweswe anu.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Ebikorwa 19:22

꞉Aatumire abhasakisi bhaaye abhabhiri, Timoteewo na Erasito, bhagende Makedooniya, omwanya ogwo omwene ˆnaasigara Asiya awo.

Ebikorwa 20:3

ˆnaamara eyo ameesi gasatu. Niwo, ˆnaakora obhutinge bhwa okugenda mu‑mukoowa gwa Siiriya na ingarabha. Nawe ejire aamenya ati Abhayawudi bhaariga nibhamuromera iniku, ˆnaaramura okusubha, ˆnaatura mu‑mukoowa gwa Makedooniya.

Ebikorwa 9:25

Mu‑ngeta imwi, abharuubhirisya bhaaye nibhamwingisya mw‑itukuru rinene rinu ryariga ribhoyerwe na jingoye, nibhatusya ritukuru eryo mw‑iwundu rinene ku‑ndugu ya omusi, nibhooromosya ritukuru na jingoye jirya anja ya omusi, niwo Saawuri ˆnaagenda.

Ebikorwa 9:30

Omwanya gunu abheekirisya abheejaabho ꞉bhaamenyere omusango ogwo, nibhamuyeregesya nibhamukingya mu‑musi gwa Kayisaariya, nibhamusiga agende mu‑musi gwa Taariso ewaabho.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

Tiito 1:5

꞉Naakusigire Kireete awo, korereki utuure‑wo obhwisombooro bhwa ekisi ku‑misango ejindi jinu jisigaaye, aamwi na okusora abhakaruka bha rikanisa mu‑bhuri rara, rwa kutyo ꞉naakweresiisye.