Ebikorwa 17:1 - Indagano Inyaaya mu-Chijita

¹ Pawuro na Siira nibhatura mu‑musi gwa Amufipoori na ogwa Aporooniya, nibhakinga mu‑musi gwa Tesaroonike. Awo yaariga iri‑wo inju ya eriikofyanyo rya Abhayawudi.

INDAGANO INYA:YA

¹ Bejire batura mu Amufipoli na Apolonia, nibakinga Tesalonika, enu ryariga riri erikofyanyisyo rya Bayaudi.

Ebikorwa 17:1 ပူးပေါင်းရင်းမြစ်များ

Ebikorwa 14:1

Yikoniya eyo Pawuro na Bharinaabha, nibheengira mu‑nju ya eriikofyanyo rya Abhayawudi, rwa kutyo jitungwa jeebhwe jaariga jiri. Nibheeyigisya abhaanu omwo kwa ribhaasi inguru ya Yeesu, Abhayawudi abhaafu muno aamwi na Abhayunaani abhaafu, nibheekirisya Yeesu.

Ebikorwa 15:21

Okubha okusookerera kara, ebhiraagiro bhya Muusa bhyariga nibhiiyigisibhwa bhuri musi na bhyariga nibhisomwa mu‑nju ja ameekofyanyo ga Abhayawudi bhuri rusuku rwa Isabhaato.”

Ebikorwa 16:13

Orusuku rwa Isabhaato nichigenda anja ya omusi ogwo, ku‑mbarimbari ya omusima, okubha cheeyikanyaga ati, awo niwo ꞉chaakabhwene wa okurombera. ꞉Cheenyanjire, nichiroma na abhagasi bhanu bhaariga bheekumanyiisye awo.

Ebikorwa 17:10

Omwanya gwa mu‑ngeta irya, abheekirisya nibhasira bhwangwe Pawuro na Siira mu‑musi gwa Bherooya. Bhejire bhaakinga eyo, nibheengira mu‑nju ya eriikofyanyo rya Abhayawudi.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Ebikorwa 20:4

Ku‑rugendo runu, Pawuro ꞉aayeregesibhwe na Sopateeri omwana wa Piiro okusooka mu‑musi gwa Bherooya, aamwi na abhaanu bhabhiri, Arisitaariko na Sekundo okusooka mu‑musi gwa Tesaroonike, Gaayo okusooka mu‑musi gwa Deeribhe, Timoteewo, Tukiiko na Torofiimo okusooka mu‑mukoowa gwa Asiya.

Ebikorwa 27:2

Nichiriinya mu‑ngarabha imwi ya mu‑musi gwa Adiraamiti inu yaariga niigenda na okugobha ku‑bhigobhero bhya omukoowa gwa Asiya. Chejire chaamba orugendo rweswe, chaariga chiri aamwi na Arisitaariko, wa mu‑musi gwa Tesaroonike mu‑mukoowa gwa Makedooniya.

Bafilipi 4:16

Noorwo omwanya gunu naariga niri mu‑musi gwa Tesaroonike, mutaabhereeye rumwi era okundeetera ebhiinu bhya okunsakira.

1 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata Nyamuwanga na Raatabhugenyi Yeesu Kirisito. Obhwitiriranya na omurembe bhibhe aamwi na emwe.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

2 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata weeswe Nyamuwanga na Raatabhugenyi Yeesu Kirisito.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.