Ebikorwa 16:9 - Indagano Inyaaya mu-Chijita

⁹ Mu‑ngeta, Pawuro ˆnaarora ebhiroro. Mu‑bhiroro ebhyo, ꞉aarorere omuunu umwi wa mu‑mukoowa gwa Makedooniya eemereeguuyu, ˆnaamwirembeeresya, ˆnaayika ati, “Yaambuka, uuje Makedooniya enu, uchisakire.”

INDAGANO INYA:YA

⁹ Paul narora ebiroro mu ngeta. Omu:nu wa Makedonia e:mereguyu namuremberesya, na:ika ati, Yambuka u:je Makedonia ucisakire.

Ebikorwa 16:9 ပူးပေါင်းရင်းမြစ်များ

Ebikorwa 10:3

Rusuku rumwi wuti saa etaanu na ena mu‑mwisi, Koroneeriyo ˆnaarora ebhiroro. Mu‑bhiroro ebhyo, ꞉aarorere abhwerubhweru maraayika wa Nyamuwanga ˆnaamusoromokera. Maraayika oyo ˆnaamubhirikira ati, “Koroneeriyo!”

Ebikorwa 10:30

Koroneeriyo ˆnaamubhwira ati, “Jisiku esatu jinu jiyitingʼeene, omwanya gwa saa etaanu na ena mu‑mwisi, naariga niri mu‑nju ninsabhwaga Nyamuwanga. Awo nindora omuunu eemereeguuyu imbere yaani afwaye emyenda jinu ejingʼarabhya.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 16:12

Okusooka awo nichigenda Firiipi omusi omukuru gwa Makedooniya, anu bhaariga bheekaaye Abharuumi. Eswe wone, nichiikara mu‑musi ogwo kwa siku ndebhe.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 19:22

꞉Aatumire abhasakisi bhaaye abhabhiri, Timoteewo na Erasito, bhagende Makedooniya, omwanya ogwo omwene ˆnaasigara Asiya awo.

Ebikorwa 19:29

Omusi gwone gwa Yefeeso nigwijura injogere. Abhaanu nibhagwata Gaayo na Arisitaariko, abhaanu bha Makedooniya bhanu bhaariga nibharibhata aamwi na Pawuro, nibheengira nabho bhwangu mu‑rubhuga rwa obhwenywa.

Ebikorwa 20:1

Injogere ya Yefeeso awo, yejire yaatemekera, Pawuro ˆnaabhirikira abheeyigisibhwa bheende‑wo. Ejire aamara okubhafungʼamya, ˆnaabharaga, ˆnaagenda mu‑mukoowa gwa Makedooniya.

Ebikorwa 20:3

ˆnaamara eyo ameesi gasatu. Niwo, ˆnaakora obhutinge bhwa okugenda mu‑mukoowa gwa Siiriya na ingarabha. Nawe ejire aamenya ati Abhayawudi bhaariga nibhamuromera iniku, ˆnaaramura okusubha, ˆnaatura mu‑mukoowa gwa Makedooniya.

Ebikorwa 27:2

Nichiriinya mu‑ngarabha imwi ya mu‑musi gwa Adiraamiti inu yaariga niigenda na okugobha ku‑bhigobhero bhya omukoowa gwa Asiya. Chejire chaamba orugendo rweswe, chaariga chiri aamwi na Arisitaariko, wa mu‑musi gwa Tesaroonike mu‑mukoowa gwa Makedooniya.

Ebikorwa 9:38

Omusi gwebhwe gwa Yoopa gwariga guri yeeyi na Ruuda. Kurwa ejo, bhunu abheeyigisibhwa ꞉bhoonguuwe ati Peetero ari Ruuda nibhatuma abhaanu abhabhiri ku‑Peetero. Eyo nibhabhwira Peetero ati, “Echikwirembeeresya, nuuwuuje kw‑iswe enu woori anu kutya!”

Barumi 15:26

Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya.

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 12:7

Nawe ꞉naayaaywe ebhinyaasyo mu‑mubhiri gwani bhinu bhiri rwa riiwa rinu erinsoma. Ebhinyaasyo ebhyo ni tumwa wa Syetaani unu ꞉aatumirwe annyaasye, korereki naasiga okwikuuya muno inguru ya emisango myafu ja okuruguusya jinu Raatabhugenyi answeruriiye.

2 Bakorinto 7:5

Noorwo omwanya gunu ꞉chaakingire Makedooniya erya, ꞉chitaabhwene omwanya gwa okusiiriika wuri, kwa okubha chaariga chiri na ebhinyaasyo mbaara joone. Anja ryariga riri‑wo riremo, mu‑myoyo bhuri‑mo obhuubha.

2 Bakorinto 8:1

Woori abhayiri bheeswe mu‑riikirisya, echeenda chibhabhwire kutyo obhwitiriranya bhwa Nyamuwanga ꞉bhwakorere emirimu mu‑bhaanu bha mu‑makanisa ga mu‑mukoowa gwa Makedooniya.

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

1 Batesalonika 4:10

Ni chimari, nikwo kutyo omukorera abheejaanyu bhoone bha mu‑mukoowa gwa Makedooniya. Woori, echibheerembeeresya ati mugenderere okwendana muno okukira kutyo mwariga nimwendana.