Ebikorwa 16:26 - Indagano Inyaaya mu-Chijita

²⁶ Awo rinyamutikima rinene muno niritura mu‑chaaro nirisingisya orufuka rwa ribhoyero. Awoawo jinjigi joone nijiyigura ejeene era na amaseega goone ganu bhaariga bhabhabhoyeeye nigasuruumuka.

INDAGANO INYA:YA

²⁶ Ca:ri kutyo ni:bao nyamutikima nene, ndijei jifuka ja inyumba yo buboywa nijisingisibwa. Aonao jinyigi jo:ne niji:guka, na mase:ga gebwe nigasurumuka.

Ebikorwa 16:26 ပူးပေါင်းရင်းမြစ်များ

Matayo 28:2

Awoawo, niritura rinyamutikima rinene rya echaaro, kwa okubha maraayika wa Raatabhugenyi aariga eekire okusooka mu‑rwire. Maraayika oyo, ˆnaagenda ku‑chituuro, ˆnaayiringisya ribhuyi rirya, ˆnaarituura ku‑mbari, ˆnaariinyanja‑ko.

Ebikorwa 12:10

Peetero na maraayika oyo nibhatura ku‑bhariisi bha okwamba na bha kabhiri, nibhakinga ku‑muryango gwa echuuma gwa okwingirira mu‑musi. Orwigi orwo nirwiguka orwenene era, nibhawuruka anja ya ribhoyero na okwingira mu‑musi. Nibhatura kw‑iparapara rimwi, niwo maraayika oyo, ˆnaasigana na Peetero.

Ebikorwa 12:7

Awoawo ˆnaasoromoka maraayika wa Raatabhugenyi ˆneemereeguru orubhaara runu Peetero aariga ari, obhweru nibhumumirika mu‑chisago omwo. Maraayika oyo, ˆnaakunuuna Peetero mu‑rubhafu na okumurafya, ˆnaamubhwiraga ati, “Iimuka bhwangu!” Awoawo amaseega ku‑mabhoko gaaye nigaragara aasi.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 5:19

Nawe mu‑ngeta irya maraayika umwi wa Raatabhugenyi ˆnaaja, ˆneegura jinjigi ja ribhoyero eryo, ˆnaabhawurusya anja. ˆNaamara ˆnaabhabhwira ati,

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.

Obhusweruro 6:12

Nejire neeya, nindora Omwana wa Inaama ˆnaasuruumura imboyero ya kataanu na imwi ya obhurimbo. Omwanya gunu ꞉aayisuruumuuye, niribha‑wo rinyamutikima rinene muno rya echaaro. Risuubha ndiirabhura ti rwa amakara, okwesi nikutukura ka rwa isagama.