Ebikorwa 16:23 - Indagano Inyaaya mu-Chijita

²³ Bhejire bhaamara okubhumwa muno, nibhatuurwa mw‑ibhoyero, omusirikare wa ribhoyero ˆnaaragirirwa ati bharindwe muno.

INDAGANO INYA:YA

²³ Wejire bababuma nsimbo nyafu nibabe:sa mu nyumba yo buboywa, nibaragirira omuri:si wa baboywa abarinde muno.

Ebikorwa 16:23 ပူးပေါင်းရင်းမြစ်များ

Matayo 26:48

Yuuda unu ꞉aagendere okutuura Yeesu mu‑mabhoko ga abhasoko, aariga atangatire okweresya abhaanu abho echibharikisyo. ꞉Aabhabhwiriiye ati, “Omuunu unu enija okukeesya kwa okumufumbeera, niwe mugwate.”

Ruuka 21:12

“Nawe, ejo joone jichaari okukorekana, bharibhagwata na okubhanyaasya, bharibhasira mu‑nju ja ameekofyanyo geebhwe na okubhabhoya mu‑mabhoyero. Bharibhasira imbere ya abhakama na abhatungi, inguru yaani.

Ebikorwa 12:18

Bhwejire bhwacha, abhasirikare bha mw‑ibhoyero nibhayaya muno inguru ya jinu jaabhona Peetero.

Ebikorwa 12:4

Bhejire bhaamara okugwata Peetero, Yeroode ˆnaaragirira ati Peetero atuurwe mw‑ibhoyero. ˆNaamutuura mu‑mabhoko ga abhasirikare ebhise bhina, bhuri chise bhasirikare abhanabhana, korereki bhamwangarire kisi. ꞉Aakarariiye okumuramura imbere ya abhaanu ichikukuru ya Okwambuka yaaturire.

Ebikorwa 16:27

Omuriisi wa ribhoyero oyo, ˆneemuka. Ejire aarora ati jinjigi jiigukire, ˆneetogera ati abhabhoywa abho bhoone bhaatoroka. ˆNaasoromora imbanda yaaye okwenda okwiyita.

Ebikorwa 16:36

Niwo omuriisi oyo, ˆnaabhwira Pawuro ati, “Abhatungi bhaatuma obhuraka ati, mwigurirwe. Kurwa ejo, muwuruke mugende na omurembe.”

Ebikorwa 5:18

Kurwa ejo, nibhagwata jitumwa ejo, nibhabhatuura mw‑ibhoyero.

Ebikorwa 5:23

“Omwanya gunu chaakinga mw‑ibhoyero omwo, chaasongʼana jinjigi jigaaywe kisi, abhariisi bheemereeguuyu anja ya emiryango nibhajirindaga. Nawe omwanya gunu cheegura emiryango, chitaasongʼana‑mo omuunu woonewoone mw‑ibhoyero omwo!”

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

Ebikorwa 9:2

ˆnaamusabhwa ati, amuyaane jinyarubha ja okumumenyesya, agende najo mu‑nju ja ameekofyanyo ga Abhayawudi mu‑musi gwa Damaasiko. Jinyarubha ejo ni ja okumwikirisisya ati, akasoongʼana eyo abharuubhirisya bha Injira ya Yeesu, bhabhe abharume amwi abhagasi, abhabhoye na okubhareeta Yerusareemu.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

Filemoni 1:9

Inguru ya eryenda ryawo kw‑anye, naarora ati, ni kisi muno nikusabhwe. Anye Pawuro, omukaruka na omubhoywa inguru ya okuraasya Emisango ja Ekisi ja Kirisito Yeesu,

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.