Ebikorwa 16:19 - Indagano Inyaaya mu-Chijita

¹⁹ Abhaami bha omugayagasi oyo, nibharora ati obhwiyikanyo bhwebhwe bhwa okubhona ribhona bhwawa. Kutyo, nibhagwatwa risungu, nibhakurumukira Pawuro na Siira, nibhabhakurura, nibhabhasira mw‑iguriro, imbere ya riramuriro rya abhakuru bha ebhiraagiro bhya Echiruumi.

INDAGANO INYA:YA

¹⁹ Nawe besebugenyi wejire barora ati, okwiikanya kwa mabona gebwe kwawao, nibabagwata Paulo na Silasi, nibabakurura mbabakingya mwika:niro imbere ya bakuru.

Ebikorwa 16:19 ပူးပေါင်းရင်းမြစ်များ

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Mariko 13:9

“Nawe emwe, mwiyangarire muno. Abhaanu bharibhasira mu‑maramuriro, ka wone bharibhasira mu‑nju ja ameekofyanyo geebhwe na okubhabhuma kubhiibhi. Bharibhasira imbere ya abhatungi bha Echiruumi na abhakama bha Echiyawudi ku‑songa yaani. Murikenwa okubha abhabhambaasi bhaani imbere ya abhatungi na abhakama abho.

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 14:5

Nibheeya Abhayawudi abharebhe na abhaanu bhanu bhatari Bhayawudi, aamwi na abhatungi bheebhwe, nibhakora echikwembe cha okukorera Pawuro na Bharinaabha kubhiibhi na okubhabhuma na amabhuyi.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:26

Abho bheesoosiisye muno okukorera emirimu Raatabhugenyi weeswe Yeesu Kirisito, bheeteeye‑wo noorwo okutemwa emitwe jeebhwe inguru ya omwene.

Ebikorwa 15:40

Pawuro ˆnaawura Siira, abheekirisya abheejaabho nibhabhasabhirwa bhabhe na obhwitiriranya bhwa Raatabhugenyi, niwo nibheemuka awo.

Ebikorwa 16:16

Rusuku rumwi, omwanya gunu chaariga nichigenda anu abhaanu bhaariga nibhasabhwa Nyamuwanga, nichibhugana na omugayagasi. Omugayagasi oyo aariga ari na risambwa rinu ryariga nirimuyaana obhuturo bhwa okuragura. Okuruubhana na obhuragusi obhwo, abhaami bhaaye bhaariga nibhabhona omuriiro munene.

Ebikorwa 16:20

Nibhabhasitaaka ku‑bhatungi abho nibhaayikaga ati, “Abhaanu bhanu ni Bhayawudi, abhakora omusi gweswe gubhe na injogere.

Ebikorwa 16:25

Yejire yaakinga mu‑bhwire agati, Pawuro na Siira bhaasabhwaga na okumwimbira Nyamuwanga jinyimbo ja okumukusya, enu abhabhoywa abheejaabho nibhabhategeresyaga.

Ebikorwa 16:29

Awo, omuriisi oyo ˆnaaragirira ati idara iretwe. ˆNeengira mw‑ibhoyero omwo bhwangwebhwangwe, ˆnaagwa imbere ya Pawuro na Siira ˆnaayararaga.

Ebikorwa 17:6

Bhejire bhaabhurwa, nibhagega Yasooni omwene aamwi na abheekirisya abharebhe. Nibhabhasira imbere ya abhakuru bha omusi, nibhamwayiraga inguru ati, “Abhaanu bhanu nibho bhaariga nibhakora injogere nyafu mu‑bhyaro bhyafu, nibho bhakingire mu‑musi gweswe anu.

Ebikorwa 21:30

Mbe, abhaanu nibhaamba okukora injogere mbaara joone ja omusi gwa Yerusareemu. Okusooka mbaara joone abhaanu abho nibhabhirimira Pawuro mw‑Iyekaru, nibhamukurumukira, nibhakurura Pawuro nibhamuwurusya anja na jinjigi jaaryo nijiigarwa kwa amanaga.

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Bafilipi 1:30

Omurwanirira eriikirisya riryarirya rwa kutyo ꞉naarirwaniriiye, ninyaakaga eweemwe eyo. Ka wone noorwo woori omuungwa ati enigenderera okurirwanirira.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

1 Timoteo 6:10

Okubha inamba imbiibhi ya okubhona jipirya nibhwo obhwambiro bhwa ebhibhiibhi bhyafu bhya bhuri mbaga. Abhaanu abhandi bhanu abheegomba obhuniibhi kutyo, bhajigirwe na bhasigire eriikirisya. Woori, abhaanu abho bheeretereeye obhusurumbaaye bhwafu mu‑myoyo jeebhwe.

Yakobo 2:6

Nawe, emwe omugaya muno abhataka! Itari ati abhaniibhi abho, nibho abhabhegatiirisya na okubhakurura okubhasira mw‑iramuriro ku‑bharamusi?