Ebikorwa 16:17 - Indagano Inyaaya mu-Chijita

¹⁷ Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

INDAGANO INYA:YA

¹⁷ Oyo naru:ba Paulo neswe, na:ikirira inguru na:ika ati, Aba:nu banu ni bagaya ba Nyamuanga unu ari inguru muno, banu ababasimurira emwe injira yo mweruro.

Ebikorwa 16:17 ပူးပေါင်းရင်းမြစ်များ

Matayo 22:16

Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe.

Matayo 8:29

Mbe, amasambwa ago, nigaamura obhuraka nigaayika ati, “Yeesu, Omwana wa Nyamuwanga awe, owuchiyenja‑ko ki? Angu, waaja okuchinyaasya omwanya gweswe guchaari okukinga?”

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Mariko 12:14

Bhejire bhaakinga nibhamubhwira ati, “Awe Omwiyigisya, chimenyere ati awe uri muunu wa echimari, na joone jinu owaayika ni ja echimari. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari. Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri? Chitobhe amwi chisige okutobha?”

Mariko 5:7

ˆNaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki? Enikurayisya ku‑Nyamuwanga, waasiga okunnyaasya!”

Ruuka 1:77

Uribhwira abhaanu bhaaye kutyo bharichungurwa, kwa okufwirwa echigongo ebhibhiibhi bhyebhwe.

Ruuka 1:79

ka wone bhumurikire abhaanu bhoone bhanu bheekaaye mu‑chisuute, na mw‑irengesi rya orufu. Arichitangasya okutura ku‑njira ya omurembe.”

Ruuka 20:21

Mbe, abhatatirisya abho nibhamubhuusya ati, “Awe Omwiyigisya, chimenyere ati, owaayika na okwiyigisya emisango ja rirenga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari.

Ruuka 4:34

“Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Ruuka 4:41

Aamwi na ejo, Yeesu ꞉aasoosiisye amasambwa okusooka mu‑bhaanu bhaafu muno, nigamwaya nigaayikaga ati, “Awe uri Mwana wa Nyamuwanga!” Nawe Yeesu ˆnaagagonya na ꞉ataagekirisisiisye okugenderera okwayika kutyo rindi, kwa okubha gaariga gamenyere ati, Yeesu niwe Kirisito.

Ruuka 8:28

Amasambwa ago, gaamuwungaga kwiya kaafu. Abhaanu bhaaregeejaga okumwangarira, kwa okumubhoya na amaseega na jinyoro. Noorwo kutyo, aariga ˆnaabhutura amaseega ago, ˆnaabhirimaga okuja mw‑ibhara. Mbe, Yeesu ˆnaagagonya amasambwa ago ati, “Musooke mu‑muunu unu!” Omuunu oyo, ejire aaringirana na Yeesu, ˆnaamura obhuraka ˆnaarira. ˆNaagwa bhwifumbike imbere ya Yeesu, ˆnaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki! Enikwirembeeresya, waasiga okunnyaasya!”

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Ebikorwa 18:26

Apooro ꞉aambire okusimura kwa ribhaasi nene mu‑nju ya eriikofyanyo rya Abhayawudi. Mbe Pirisiira na Akiira, bhejire bhaamutegeresya nibhamukuma iika eweebhwe, nibhamusomboorera emisango ja injira ya Nyamuwanga jinu aariga achaari okuungwa.

Ebikorwa 19:13

Bhaariga bhari‑yo Abhayawudi abharebhe bhanu bhaariga nibhayemuuka enu na erya nibhasoosyaga amasambwa ku‑bhaanu. Abho nibharegeeja okukorera risiina rya Raatabhugenyi Yeesu okubhwira amasambwa ati, “Kw‑isiina rya Yeesu unu Pawuro kaaraasya, enibhagonya ati musooke ku‑muunu unu!”

1 Petero 2:16

Mwikare rwa abhaanu bhanu bhari na obhwitaage, nawe mu‑bhwitaage obhwo, mwasiga okukora ebhibhiibhi. Mwikare rwa kutyo Nyamuwanga kaakena abhakosi bhaaye bheekare.

2 Petero 2:2

Ka wone, abhaanu bhaafu bhariruubha jinjira jeebhwe ja orukubho. Ku‑songa ya abheeyigisya abho, injira ya echimari irifumwa.