Ebikorwa 15:9 - Indagano Inyaaya mu-Chijita

⁹ ꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

INDAGANO INYA:YA

⁹ Atateeo butasyanya eswe na bene, okuba e:sisye emyoyo jebwe kurwo kwikirisya.

Ebikorwa 15:9 ပူးပေါင်းရင်းမြစ်များ

Ebikorwa 10:15

Obhuraka obhwo nibhubhwira Peetero ati, “Nuusige okubhirikira ebhiinu bhinu Nyamuwanga eesiisye, ati ni bhijabhi.”

Ebikorwa 10:28

Peetero ˆnaabhabhwira ati, “Emwe mumenyere kisi ati eswe Abhayawudi, ebhiraagiro bhyeswe ebhichigaanya okusaasikana na abhaanu bha amaanga. Noorwo okubharibhatira wone, chigaanyiibhwe. Nawe Nyamuwanga aanyeresya ati, nisige okwiganirisya omuunu woonewoone okubha omujabhi.

Ebikorwa 10:34

Niwo Peetero ˆnaamba okwayika ati, “Woori niwo naamenya ati ni chimari, Nyamuwanga atari na isoroore mu‑bhaanu!

Ebikorwa 11:12

Mwoyo Mweru ˆnaambwira ati nigende aamwi nabho, nisige okwitimaata. Kurwa ejo ningenda nabho aamwi na abheekirisya abheejaasu bhanu, bhataanu na umwi. Nichiingira iika ewa Koroneeriyo.

Ebikorwa 14:1

Yikoniya eyo Pawuro na Bharinaabha, nibheengira mu‑nju ya eriikofyanyo rya Abhayawudi, rwa kutyo jitungwa jeebhwe jaariga jiri. Nibheeyigisya abhaanu omwo kwa ribhaasi inguru ya Yeesu, Abhayawudi abhaafu muno aamwi na Abhayunaani abhaafu, nibheekirisya Yeesu.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

Barumi 3:9

Mbe, chaayike ki? Angu, chaayike ati eswe Abhayawudi chiri na omuriiro okukira abhaanu abhandi bhanu bhatari Bhayawudi? Wuri! Rwa kutyo ndamarire okweresya, Abhayawudi na bhanu bhatari Bhayawudi, bhoone bhatungirwe na ebhibhiibhi.

Barumi 9:24

Abhaanu abho neeswe, bhanu ꞉aabhirikiiye. ꞉Ataabhirikiiye Abhayawudi era, tari noorwo bhanu bhatari Bhayawudi.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

1 Bakorinto 7:18

Araabha omuunu ꞉aabhirikiiywe na Nyamuwanga omwanya gunu aariga atenderwe, aasiga okwikora wuti ꞉ataatenderwe. Ka wone, araabha omuunu ꞉aabhirikiiywe na Nyamuwanga omwanya gunu aariga achaari okutendwa, aasiga okutendwa.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,