Ebikorwa 15:7 - Indagano Inyaaya mu-Chijita

⁷ Bhunu bhaamarire omwanya omureera okwayikana nabho, Peetero ˆneemereeguru, ˆnaabhabhwira ati, “Emwe abhayiri bhaasu omumenya ati, siku nyafu jinu jiyitingʼeene Nyamuwanga ꞉aanyawuuwe agati yeemwe, korereki abhaanu bhanu bhatari Bhayawudi, bhabhwirwe Emisango ja Ekisi na okujiikirisya, okutura kw‑anye.

INDAGANO INYA:YA

⁷ Wejire jimamba jafura, Petero nemereguru nababwira ati, Bamura ba:su, emwe mumenyere kuso:ka mu siku ja kara ti, Nyamuanga mwiswe ansorere anye korereki abamaanga bongwe Ebyobwana mu kanwa ka:ni, no kwikirisya.

Ebikorwa 15:7 ပူးပေါင်းရင်းမြစ်များ

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 3:27

Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

Ebikorwa 1:16

“Abhayiri bhaasu mu‑riikirisya, emisango jinu ꞉jaakaamirwe mu‑Bhikaame Ebhyeru inguru ya Yuuda jaariga jiri bhusibhusi jikuumire. Ejo ꞉jaaragirwe na Mwoyo Mweru okutura mu‑kanwa aka omukama Dawudi inguru yaaye, unu ꞉aatangasiisye bhanu ꞉bhaagwatire Yeesu.

Ebikorwa 1:24

Nibhasabhwa Nyamuwanga nibhaayikaga ati, “Raatabhugenyi, naawe owumenya emyoyo ja abhaanu bhoone. Kurwa ejo, echikusabhwa ucheeresye, ni wuuya agati ya abhabhiri bhanu unu usorere

Ebikorwa 10:19

Peetero achaagenderera okwiganirisya inguru ya ejo, Mwoyo Mweru ˆnaamubhwira ati, “Tegeresya! Bhari‑wo abhaanu bhasatu anu, abhakuronda.

Ebikorwa 10:20

Yooromoka emwaro, ugende aamwi nabho. Siga okwitimaata, kwa okubha anye omwene naanye nibhatumire kw‑awe.”

Ebikorwa 13:2

Bhunu bhaariga nibharamya Raatabhugenyi na okwiyima okurya ebhiryo, Mwoyo Mweru ˆnaabhabhwira ati, “Munsorere Bharinaabha na Saawuri ku‑mirimu jinu nibhabhirikiriiye.”

Ebikorwa 15:14

Simiyooni aachibhwira kutyo Nyamuwanga ꞉aanyaakiriiye bhanu bhatari Bhayawudi korereki aawure abhaanu abharebhe mu‑bheene bhabhe abhaanu bhaaye.

Ebikorwa 15:2

Omusango ogwo nigukora Pawuro na Bharinaabha bhareme abhaanu abho na okwayikana nabho kwa obhururu muno. Kurwa ejo, abheekirisya bha Atiyookiya awo nibhatema echiina ati abhaanu abharebhe mu‑bheene bhagende Yerusareemu aamwi na Pawuro na Bharinaabha, korereki bhagende okuroma na jitumwa ja Yeesu na abhakaruka bha rikanisa rya Nyamuwanga inguru ya omusango ogwo.

Ebikorwa 15:39

Ejo nijikora Pawuro na Bharinaabha bhayombe muno, okukingira nibhaawukana. Bharinaabha ˆnaagega Maariko, nibhagenda aamwi na ingarabha nibhakinga kw‑isinga rya Kiipuro.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 21:16

Abheeyigisibhwa abharebhe bha Kayisaariya awo, nibhachiyeregesya nibhachikingya mu‑nju ya Omunasooni, unu chaariga nichija okwikara nage. Omuunu oyo aariga ari wa kw‑isinga rya Kiipuro na aariga ari umwi wa abheekirisya bha okwambakwamba.

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

Ebikorwa 4:25

Awe ꞉waayikire mu‑kanwa ka saaja weeswe Dawudi, omukosi waawo, okutura ku‑Mwoyo Mweru ati, ‘Mbawo abhaanu bha amaanga abhabhiyirwa? Mbawo abhakora obhwisombooro bhunu bhutari na muriiro?

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Bafilipi 2:14

Emisango joone jinu omukora, mujikore okujujuuma wuri noorwo okubhambasyanya.