Ebikorwa 15:6 - Indagano Inyaaya mu-Chijita

⁶ Mbe, jitumwa ja Yeesu ejo na abhakaruka abho, nibhakora echiina korereki bhatatirisye kisi omusango ogwo.

INDAGANO INYA:YA

⁶ Mbe jintumwa na bakaruka nibe:kofyanya barore omusango ogwo.

Ebikorwa 15:6 ပူးပေါင်းရင်းမြစ်များ

Matayo 18:20

Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”

Ebikorwa 11:30

Nibhakora kutyo, nibhayaana Bharinaabha na Saawuri ebhiyaanwa bhyebhwe, korereki bhabhisire ku‑bhakaruka bha rikanisa rya Yerusareemu.

Ebikorwa 15:2

Omusango ogwo nigukora Pawuro na Bharinaabha bhareme abhaanu abho na okwayikana nabho kwa obhururu muno. Kurwa ejo, abheekirisya bha Atiyookiya awo nibhatema echiina ati abhaanu abharebhe mu‑bheene bhagende Yerusareemu aamwi na Pawuro na Bharinaabha, korereki bhagende okuroma na jitumwa ja Yeesu na abhakaruka bha rikanisa rya Nyamuwanga inguru ya omusango ogwo.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:25

Okuruubhana na ejo, eswe cheekirisyanya ati, chaawure abhaanu bhanu echija okutuma bhaaje eyo, aamwi na abheendwa bheeswe Bharinaabha na Pawuro.

Ebikorwa 15:4

Pawuro na abheejaabho abho, omwanya gunu ꞉bhaakingire Yerusareemu, nibhakumwa kisi na jitumwa ja Yeesu, aamwi na abhakaruka na abheekirisya bha rikanisa. Pawuro na abheejaabho nibhabhabhwira joone jinu Nyamuwanga ꞉aakorere, okutura ku‑bheene.

Ebikorwa 16:4

Pawuro na abheejaabho abho, nibhagenda nibhaturaga mu‑misi ja ende‑yo, nibhabhwiraga abheekirisya amaragiriro ganu gateeywe‑wo na jitumwa ja Yeesu na abhakaruka bha Yerusareemu. ꞉Bhaakorere kutyo korereki abheekirisya bheende‑yo wone bhabhe nibhagayuka amaragiriro ago.

Ebikorwa 21:18

Mwejo yende‑ko, nichigenda na Pawuro, nichiribhatira Yakobho, na abhakaruka bhoone bha rikanisa wone bhaariga bhari‑wo.

Ebikorwa 6:2

Kurwa ejo, jitumwa ekumi na bhabhiri ꞉bhaakumanyiisye abheeyigisibhwa bhoone, nibhabhabhwira ati, “Jitari ja ekisi eswe chisige okwiyigisya omusango gwa Nyamuwanga ku‑songa ya okugabhira abhaanu ebhiryo.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.