Ebikorwa 15:4 - Indagano Inyaaya mu-Chijita

⁴ Pawuro na abheejaabho abho, omwanya gunu ꞉bhaakingire Yerusareemu, nibhakumwa kisi na jitumwa ja Yeesu, aamwi na abhakaruka na abheekirisya bha rikanisa. Pawuro na abheejaabho nibhabhabhwira joone jinu Nyamuwanga ꞉aakorere, okutura ku‑bheene.

INDAGANO INYA:YA

⁴ Wejire bakinga Yerusalemi, aba ikanisa nibabakuma aamwi na jintumwa na bakaruka, nibabe:resya byone binu Nyamuanga akorere aamwi nabo.

Ebikorwa 15:4 ပူးပေါင်းရင်းမြစ်များ

Matayo 10:40

“Omuunu woonewoone unu kaabhakuma, kaabha aankumire. Ka wone, omuunu woonewoone unu kaankuma, kaabha akumire Nyamuwanga unu antumire.

Ebikorwa 11:30

Nibhakora kutyo, nibhayaana Bharinaabha na Saawuri ebhiyaanwa bhyebhwe, korereki bhabhisire ku‑bhakaruka bha rikanisa rya Yerusareemu.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Ebikorwa 15:12

Awo, abhaanu bhoone nibhajibhira jibhi, Bharinaabha na Pawuro nibhabhabhwiraga kutyo Nyamuwanga aariga ˆneeresya ebhibharikisyo na ebhiruguusyo bhyafu ku‑bhaanu bhanu bhatari Bhayawudi kwa okutura ku‑bheene.

Ebikorwa 15:2

Omusango ogwo nigukora Pawuro na Bharinaabha bhareme abhaanu abho na okwayikana nabho kwa obhururu muno. Kurwa ejo, abheekirisya bha Atiyookiya awo nibhatema echiina ati abhaanu abharebhe mu‑bheene bhagende Yerusareemu aamwi na Pawuro na Bharinaabha, korereki bhagende okuroma na jitumwa ja Yeesu na abhakaruka bha rikanisa rya Nyamuwanga inguru ya omusango ogwo.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:3

Abheekirisya abho nibhabharaga, ka wone nibhayaana Pawuro na abheejaabho abho ebhiinu bhyebhwe bhya bhusibhusi. Niwo bha Pawuro nibheemuka, nibhatura mu‑mikoowa ja Foyeenike na Samaariya, nibhabhwiraga abhaanu kutyo abhaanu bhanu bhatari Bhayawudi wone abheekirisya Yeesu. Omusango ogwo nigukondera muno abheekirisya abheejaabho bhoone bheende‑yo.

Ebikorwa 15:6

Mbe, jitumwa ja Yeesu ejo na abhakaruka abho, nibhakora echiina korereki bhatatirisye kisi omusango ogwo.

Ebikorwa 16:4

Pawuro na abheejaabho abho, nibhagenda nibhaturaga mu‑misi ja ende‑yo, nibhabhwiraga abheekirisya amaragiriro ganu gateeywe‑wo na jitumwa ja Yeesu na abhakaruka bha Yerusareemu. ꞉Bhaakorere kutyo korereki abheekirisya bheende‑yo wone bhabhe nibhagayuka amaragiriro ago.

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Ebikorwa 21:17

Chejire chaakinga Yerusareemu awo, abheekirisya abheejaasu bheenda‑wo nibhachikuma kwa risandabha.

Ebikorwa 21:19

Pawuro ˆnaabhakeesya, ˆnaabhabhwira emisango joone jinu Nyamuwanga ꞉aakorere ku‑bhaanu bhanu bhatari Bhayawudi okuruubhana na obhukosi bhwaye.

Barumi 15:18

Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora.

Barumi 15:7

Woori, bhuri muunu akumega oweejaabho, rwa kutyo emwe Kirisito ꞉aabhakumire, korereki Nyamuwanga akusibhwe.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.