Ebikorwa 15:30 - Indagano Inyaaya mu-Chijita

³⁰ Jitumwa jinu ꞉bhaatumirwe bhejire bhaasigana na abheejaabho abho, ꞉bhooromokeeye Atiyookiya. Nibhakofya abheekirisya bhoone bha Atiyookiya, nibhabhayaana inyarubha irya.

INDAGANO INYA:YA

³⁰ Mbe wejire bamara okuragana nabo, nibaja Antiokia. Nibakofya ecise ca ba:nu, nibabayana inyaruba.

Ebikorwa 15:30 ပူးပေါင်းရင်းမြစ်များ

Ebikorwa 11:19

Okuruubhana na okwitwa kwa Tefwano na ebhinyaasyo bhinu ꞉bhyasookereeye Yerusareemu, abheekirisya ꞉bhaanyarageene, nibhabhirimira mu‑mukoowa gwa Foyeenike, kw‑isinga rya Kiipuro na mu‑musi gwa Atiyookiya. Eyo niyo bheeyigisyaga omusango gwa Nyamuwanga ku‑Bhayawudi era.

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 11:27

Mu‑siku ejo abharagi okusooka Yerusareemu ꞉bheejire Atiyookiya.

Ebikorwa 15:22

Awo jitumwa ejo na abhakaruka, aamwi na abheekirisya bhoone bha Yerusareemu awo nibheekirisyanya. Nibhatema echiina ati, bhaawure abhaanu abharebhe mu‑bheene bhanu abhaja okugenda aamwi na Pawuro na Bharinaabha mu‑musi gwa Atiyookiya. Nibhaawura‑mo abhaanu abhabhiri bha echirume bhanu abhayaanwa echibharo muno mu‑bheekirisya. Omuunu wa okwamba, aariga ari Yuuda unu aatogwaga Bharisabha, omuunu wa kabhiri, aariga ari Siira. Abho nibhatumwa na inyarubha niyayikaga ati,

Ebikorwa 15:31

Abheekirisya abho bhejire bhaasoma inyarubha eyo nibhakonderwa kwa emisango ejo ja okubhasimbiisya.

Ebikorwa 16:4

Pawuro na abheejaabho abho, nibhagenda nibhaturaga mu‑misi ja ende‑yo, nibhabhwiraga abheekirisya amaragiriro ganu gateeywe‑wo na jitumwa ja Yeesu na abhakaruka bha Yerusareemu. ꞉Bhaakorere kutyo korereki abheekirisya bheende‑yo wone bhabhe nibhagayuka amaragiriro ago.

Ebikorwa 21:22

Woori! Chikore kutiki? Chimari Abhayawudi abho bhoone abhaja okuungwa ati uri anu.

Ebikorwa 23:33

Abhasirikare abha jifwaraasi abho bhejire bhaakinga Kayisaariya, nibhayaana omusiibha inyarubha irya, nibhatuura Pawuro wone mu‑mabhoko gaaye.

Ebikorwa 6:2

Kurwa ejo, jitumwa ekumi na bhabhiri ꞉bhaakumanyiisye abheeyigisibhwa bhoone, nibhabhabhwira ati, “Jitari ja ekisi eswe chisige okwiyigisya omusango gwa Nyamuwanga ku‑songa ya okugabhira abhaanu ebhiryo.