Ebikorwa 15:29 - Indagano Inyaaya mu-Chijita

²⁹ Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

INDAGANO INYA:YA

²⁹ Mwiŋaŋe ebyogo binu ebiso:sibwa ku bisusano, ne camba, na jinyama jo kunyiga, no buromesi. Muke:ingirira kwibyo, omukora kwa kisi. Mubeo kwa bwana.

Ebikorwa 15:29 ပူးပေါင်းရင်းမြစ်များ

Ruuka 9:61

Omuunu owundi, ˆnaabhwira Yeesu ati, “Raatabhugenyi, anye enija okukuruubha. Nawe okwamba, nuunyikirisisye nigende nirage abhaanu bha iika.”

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 21:25

Nawe ku‑rubhaara rwa abhaanu bhanu bhatari Bhayawudi, bhanu abheekirisya Yeesu, ꞉chaabhakaamiiye inyarubha rwa kutyo ꞉chaaramuuye. ꞉Chaaramuuye ati, bhasige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa, na okukora obhuromesi.”

Ebikorwa 23:30

Mbe, nejire naabhwirwa ati bhamuromeeye iniku, nikwo okukora naamutuma kw‑awe awoawo. Naabhwira abhasoko bhaaye wone bhaaje korereki bhaayike echiina cheebhwe cha okumusitaaka kw‑awe.”

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

1 Timoteo 5:22

Waasiga okwiwuta okutuura omuunu ku‑mirimu ja Raatabhugenyi, kwa okubha ukatuura‑ko omuunu omubhiibhi ku‑mirimu ejo, awe wone owubha usangiiye ebhibhiibhi bhyaye. Wiyangarire omwene, korereki ugenderere okubha omweru.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

1 Yoana 5:21

Abhaana bhaani mu‑riikirisya, mwiyangarire mwasiga okuramya amasusano.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Obhusweruro 2:14

Nawe, muri na emisango emitooto jinu jichaannyaasya. Agati yeemwe bhari‑wo abhaanu bhanu abharuubha ameeyigisyo ga Bharaamu. Bharaamu oyo, ꞉eeyigisiisye Bharaaki okuteganya Abhayisirayeeri korereki bhakore echibhiibhi cha okurya ebhiryo bhinu bhyariga bhisoosiibhwe echoogo ku‑masusano na okukora obhuromesi.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.