Ebikorwa 15:28 - Indagano Inyaaya mu-Chijita

²⁸ Okubha jaakondera Mwoyo Mweru aamwi na eswe ati, chisige okubhatwika omugugu ogundi tari ebhiraagiro bhya bhusibhusi bhinu.

INDAGANO INYA:YA

²⁸ Okuba byamukondee Mwoyo Mweru, neswe one, ati, cisige okubatwika emwe omugugu munene tari binu bi:ire, ati,

Ebikorwa 15:28 ပူးပေါင်းရင်းမြစ်များ

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Matayo 11:30

Ingurwema yaani ni nyaangu okugega na omugugu gwani ni mwangu.”

Obhusweruro 2:24

Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

1 Bakorinto 7:40

Nawe ni akiri muno omutumbagasi oyo asigare atatwawe. Obhwo ni bhwiganirisya bhwani, na eniiganirisya ati anye wone Mwoyo wa Nyamuwanga kaantangasya okwayika emisango ejo.

Ebikorwa 15:19

Yakobho ˆnaagenderera okusimura ati, “Kurwa ejo, abhaanu bhanu bhatari Bhayawudi bhanu abhayinduka okubha abhaana bha Nyamuwanga, anye enirora ati chiteeyire okubhanyaasya.

Ebikorwa 15:8

Nyamuwanga niwe kaamenya emyoyo ja abhaanu, ꞉eeresiisye ati bhanu bhatari Bhayawudi wone kaabheekirisya kwa okubhayaana Mwoyo Mweru, rwa kutyo ꞉aachiyaanire eswe wone.

Ebikorwa 5:32

Eswe chiri bhabhambaasi bha ejo joone, aamwi na Mwoyo Mweru, unu Nyamuwanga ayaaye bhanu abhamugayuka.”

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

1 Bakorinto 7:25

Woori, ku‑bhayarakaji bhanu bhachaari okutwarwa, nitari na riragiriro okusooka ku‑Raatabhugenyi Yeesu. Nawe ku‑bhwiganirisya bhwani enibhatongera, anye unu niiyire okwiyikanyibhwa ku‑songa ya echigongo cha Nyamuwanga.

Ebikorwa 15:25

Okuruubhana na ejo, eswe cheekirisyanya ati, chaawure abhaanu bhanu echija okutuma bhaaje eyo, aamwi na abheendwa bheeswe Bharinaabha na Pawuro.

Matayo 23:4

Abheene abhabhoya ebhiraagiro bhyone rwa emigugu emisito na okutwikya abhaanu ku‑mabhega, nawe abheene bhatakwenda okujikuunʼya‑ko noorwo na echaara, korereki bhasakire okujibhatura.

Ebikorwa 16:4

Pawuro na abheejaabho abho, nibhagenda nibhaturaga mu‑misi ja ende‑yo, nibhabhwiraga abheekirisya amaragiriro ganu gateeywe‑wo na jitumwa ja Yeesu na abhakaruka bha Yerusareemu. ꞉Bhaakorere kutyo korereki abheekirisya bheende‑yo wone bhabhe nibhagayuka amaragiriro ago.