Ebikorwa 15:24 - Indagano Inyaaya mu-Chijita

²⁴ Choongwa ati abhaanu abhandi okusooka mw‑iswe ꞉bhaabhabhwiriiye emisango ja okubhayabhya, ka wone ja okunyaasya emyoyo jeemwe, eswe ꞉chitaabhatumire.

INDAGANO INYA:YA

²⁴ Okuba conguywe ati, aba:nu banu baso:kere kwiswe ababanya:sya ne misango jebwe, nibaregeja okubaco:tora emyoyo jemwe. Nawe eswe citabaragiriye omusango gwejabo ogwo uri.

Ebikorwa 15:24 ပူးပေါင်းရင်းမြစ်များ

Ebikorwa 15:1

Abhaanu abharebhe nibhasooka Yuudeya, nibhooromokera mu‑musi gwa Atiyookiya. Nibheeyigisya abheekirisya nibhaayikaga ati, “Araabha mukarema okutendwa okuruubhana na jitungwa jinu ꞉chaasigiiywe na Muusa, mutakutura okuchunguka.”

Bagalatia 1:7

Chimari ni ati jitari‑wo Emisango ja Ekisi ejindi. Nawe bhari‑wo abhaanu bhanu abhabhajiga na abhakena okuyindura Emisango ja Ekisi inguru ya Kirisito.

Bagalatia 5:10

Enimenya kisi ati emwe muri na obhumwi na Raatabhugenyi Yeesu, kurwa ejo, mutariikirisya okujigwa. Nawe omuunu woonewoone unu aribhajiga, noorwo abhega, ariyaanwa ebhitiibha.

Bagalatia 5:12

Eniigomba ati abhaanu bhanu abhabhanyamura ku‑misango ja okutenda, bhaakeekonere abheene!

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

1 Yoana 2:19

Abhaanu abho, bhaariga bhachiri‑ko, nawe mbachisoka‑ko, kwa okubha bhaariga bhatari na obhumwi bhwa echimari na eswe. Okubha, araabha bhakabheeye na obhumwi obhwo na eswe, bhaakasigaaye kw‑iswe. Nawe ꞉bhaachisookere‑ko, korereki bhaswerurwe abhweru ati bhaariga bhatari na obhumwi bhwa echimari na eswe.