Ebikorwa 15:20 - Indagano Inyaaya mu-Chijita

²⁰ Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

INDAGANO INYA:YA

²⁰ Nawe cibandikire ati, be:kengega obujabi bwe bisusano, no buromesi, na jinyama jo kunyiga, ne camba.

Ebikorwa 15:20 ပူးပေါင်းရင်းမြစ်များ

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

Ebikorwa 21:25

Nawe ku‑rubhaara rwa abhaanu bhanu bhatari Bhayawudi, bhanu abheekirisya Yeesu, ꞉chaabhakaamiiye inyarubha rwa kutyo ꞉chaaramuuye. ꞉Chaaramuuye ati, bhasige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa, na okukora obhuromesi.”

1 Bakorinto 5:11

Tari, chinu ꞉neendere okwayika ni ati, mwasiga okusangira aamwi na omuunu unu keetoga omwikirisya, keenu ari muromesi, wa omuruuru, noorwo unu kaaramya amasusano, amwi omusokanya, amwi omukorwa, amwi omusaakusi. Omuunu rwa oyo, mwasiga noorwo okurya aamwi nage.

1 Bakorinto 6:13

Abhandi agati yeemwe abhaayika ati, “Ebhiryo ni inguru ya inda, na inda ni inguru ya ebhiryo.” Nikwo kutyo jiri, nawe Nyamuwanga arinyamura bhyone bhibhiri. Omubhiri ꞉gutaabhumbirwe inguru ya okukora obhuromesi, tari inguru ya okukorera Raatabhugenyi emirimu, Raatabhugenyi omwene niwe kaangarira omubhiri.

1 Bakorinto 6:18

Kurwa ejo mwiyangarire mwasiga okukora obhuromesi. Ebhibhiibhi ebhindi bhyone, omuunu kaabhikora anja ya omubhiri gwaye, nawe omuunu unu kaaromera, oyo kaakora ebhibhiibhi inguru ya omubhiri gwaye omwene.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 7:2

Nawe ku‑songa ya okwikenga ingʼanga ya okukora obhuromesi, bhuri murume abhe na omugasi waaye omwene, na bhuri mugasi abhe na omurume waaye omwene.

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

2 Bakorinto 12:21

Enuubhaya ati, omwanya gunu niribhaaja‑ko rindi, Nyamuwanga waani arikora nirore jiswaro imbere yeemwe. Nirisurumbara okurora abhaanu bhaafu agati yeemwe bhanu ꞉bhaakorere ebhibhiibhi, bhachaari okubhita. Bhachaari na akatungiiywe karyakarya akabhiibhi ka obhujabhi, obhuromesi, na orukubho.

Bagalatia 5:19

Mbe, ebhikorwa bhinu ebhikorwa na okurigira kwa omubhiri bhiri bhweru, nibhyo bhinu, obhuromesi, obhujabhi, orukubho,

Baefeso 5:3

Nawe obhuromesi amwi obhujabhi bhwa bhuri mbaga, noorwo okwisigombera ebhiinu, ni bhusibhusi bhyasiga okubhubhuutwa agatigati yeemwe, kwa okubha emisango ejo, jiteeyire ku‑bheeru bha Nyamuwanga.

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

1 Batesalonika 4:3

Okubha echiinu chinu Nyamuwanga keenda kw‑imwe nicho chinu, mubhe abhaanu abheeru. Kurwa ejo, mwikenge na obhuromesi.

Baeburania 12:16

Mwiyangarirega, korereki agati yeemwe aasiga okubha‑wo omuunu omuromesi amwi omuunu unu atakuyaana echibharo Nyamuwanga rwa kutyo Esawu aariga atakumuyaana. Omwene Esawu ꞉aagusiisye rirenga rya omwibhurwa wa obhubhere inguru ya riribhire rimwi era.

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

1 Petero 4:3

Kara awo, mwariga nimukora rwa kutyo abhaanu bhanu bhatakwikirisya Nyamuwanga bhaakoraga. Mwaruubhaga obhurigire bhwemwe obhubhiibhi na orukubho. Ka wone mwariga muri bhakorwa na okwenda muno jichikukuru ja ku‑chaaro, na mwariga nimuramya amasusano. Omwanya gwemwe gwa okukora emisango ejo gweyire.

Obhusweruro 10:2

Mu‑kubhoko kwaye aariga ari na echitabho echitooto, chifumbuywe. ˆNeemereeguru okuguru kwaye kwa ebhuryo kutajire mu‑nyanja na okuguru kwaye kwa ebhumoosi kutajire ku‑chaaro.

Obhusweruro 10:8

Niwo obhuraka bhurya okusooka mu‑rwire nibhumbirikira rindi, nibhumbwira ati, “Genda ku‑maraayika unu eemereeguuyu okuguru kwa ebhuryo kutajire mu‑nyanja na okundi kutajire ku‑chaaro. Uramire echitabho echitooto chirya chifumbuywe chinu chiri mu‑kubhoko kwaye.”

Obhusweruro 2:14

Nawe, muri na emisango emitooto jinu jichaannyaasya. Agati yeemwe bhari‑wo abhaanu bhanu abharuubha ameeyigisyo ga Bharaamu. Bharaamu oyo, ꞉eeyigisiisye Bharaaki okuteganya Abhayisirayeeri korereki bhakore echibhiibhi cha okurya ebhiryo bhinu bhyariga bhisoosiibhwe echoogo ku‑masusano na okukora obhuromesi.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.

Obhusweruro 9:20

Abhaanu bhanu ꞉bhataafuuwe ku‑tambara jinu ꞉jaabhwene abheejaabho, ꞉bhataataaye ebhibhiibhi bhyebhwe. ꞉Bhaagendereeye okuramirisya amasambwa na amasusano ga inaaryo, jipirya, isyabha, amabhuyi na jimbawu ganu ꞉bhaakonjere abheene. Amasusano ago gatakurora, gatakungwa, noorwo gatakuribhata.