Ebikorwa 15:19 - Indagano Inyaaya mu-Chijita

¹⁹ Yakobho ˆnaagenderera okusimura ati, “Kurwa ejo, abhaanu bhanu bhatari Bhayawudi bhanu abhayinduka okubha abhaana bha Nyamuwanga, anye enirora ati chiteeyire okubhanyaasya.

INDAGANO INYA:YA

¹⁹ Kwenikora anye nintema eci:na ati, cisige kubanya:sya abamaanga banu abamuindukira Nyamuanga,

Ebikorwa 15:19 ပူးပေါင်းရင်းမြစ်များ

Ebikorwa 15:10

Mbawo woori omwenda okuregeeja Nyamuwanga kwa okutwikya abheeyigisibhwa abho obhusito bhunu, eswe abheene wone obhuchitama? Noorwo bhasaaja weeswe wone, ꞉bhwabhatamire!

Ebikorwa 15:24

Choongwa ati abhaanu abhandi okusooka mw‑iswe ꞉bhaabhabhwiriiye emisango ja okubhayabhya, ka wone ja okunyaasya emyoyo jeemwe, eswe ꞉chitaabhatumire.

Ebikorwa 15:28

Okubha jaakondera Mwoyo Mweru aamwi na eswe ati, chisige okubhatwika omugugu ogundi tari ebhiraagiro bhya bhusibhusi bhinu.

Ebikorwa 21:21

Abheene bhabhwiriiywe ati, owiyigisya Abhayawudi bhoone bhanu bheekaaye mu‑bhaanu bha amaanga agandi ati, bhasige okuruubhirira Muusa. Abhaayika ati ꞉waabhagaanyiisye okutenda abhaana bheebhwe, noorwo okuruubha emisiro jeebhwe ja Echiyawudi.

Ebikorwa 21:25

Nawe ku‑rubhaara rwa abhaanu bhanu bhatari Bhayawudi, bhanu abheekirisya Yeesu, ꞉chaabhakaamiiye inyarubha rwa kutyo ꞉chaaramuuye. ꞉Chaaramuuye ati, bhasige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa, na okukora obhuromesi.”

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.